આ વર્ષે જાન્યુઆરીથી, ગૂગલે ભારતમાં પ્લે સ્ટોર પરથી લોન ઓફર કરતી 2,000 થી વધુ એપ્સને હટાવી દીધી છે. કંપનીના એક વરિષ્ઠ અધિકારીએ જણાવ્યું હતું કે શરતોનું ઉલ્લંઘન, માહિતીની ખોટી રજૂઆત અને શંકાસ્પદ ઑફલાઇન વર્તન માટે આ એપ્સ સામે કાર્યવાહી કરવામાં આવી છે. ટેક્નોલોજી દિગ્ગજ કંપની આગામી સપ્તાહમાં આ ક્ષેત્રે નીતિઓને વધુ કડક બનાવવાનો પ્રયાસ કરી રહી છે.
એશિયા પેસિફિકના ગૂગલના વરિષ્ઠ નિર્દેશક અને ટ્રસ્ટ અને સુરક્ષાના વડા, સૈકત મિત્રાએ જણાવ્યું હતું કે કંપની તે તમામ ક્ષેત્રોમાં નિયમોનું પાલન કરવા પ્રતિબદ્ધ છે જેમાં તે કાર્ય કરે છે. જ્યારે ડિજિટલ પ્લેટફોર્મથી ઓનલાઈન નુકસાનને રોકવા માટેના પર્યાપ્ત પ્રયાસો વિશે પૂછવામાં આવ્યું ત્યારે તેમણે કહ્યું કે Googleની પ્રાથમિકતા અને તેનું મુખ્ય મૂલ્ય હંમેશા વપરાશકર્તાની સુરક્ષાની આસપાસ રહ્યું છે.