India News: શનિવારે મોડી રાત્રે, પોલીસે નૈનિતાલના રામનગરના સાંવલ્દે સ્થિત એક્રોન રિસોર્ટમાં દરોડો પાડ્યો હતો. આ દરોડામાં પોલીસે 52 પુરૂષો સહિત 10 મહિલાઓની ધરપકડ કરી છે.

રિસોર્ટમાં ધમધમતા દેહ વ્યપાર પર દરોડો | Sex racket busted in Nainital

રિસોર્ટમાં ચાલી રહેલા દેહ વ્યપાર (Sex Racket), દારૂ પાર્ટી અને અશ્લીલ પ્રવૃતિઓનો પોલીસે રેડ પાડી પર્દાફાશ કર્યો છેે. આ કાર્યવાહી દરમિયાન, પોલીસે રિસોર્ટને સિલ કરી દિધું હતું.52 પુરૂષો અને રિસોર્ટના જીએમ વિરૂદ્ધ પોક્સો અને દેહ વ્યપાર સહિતની કલમો હેઠળ ફરિયાદ દાખળ કરવામાં આવી છે.

આ ગુનામાં મુખ્ય આરોપી ઉમેન્દ્ર છે, જે મેરઠના ટીપી નગર પોલીસ સ્ટેશન વિસ્તારના મુલતાન નગરનો રહેવાસી છે. કરીમ નગરનો રહેવાસી મેહરાજુદ્દીન પણ પાર્ટીમાં હાજર હતો. પોલીસે તેની ધરપકડ પણ કરી છે. ઉમેન્દ્ર મેરઠ, બુલંદશહેર અને અન્ય સ્થળોએ જંતુનાશકો અને કૃષિ સાધનોનો વ્યવસાય ધરાવે છે.

પોલીસના જણાવ્યા અનુસાર, તેણે વિવિધ રાજ્યો અને વિદેશની યુવતીઓને પાર્ટી માટે રિસોર્ટમાં આમંત્રણ આપ્યું હતું. તેણે મેરઠથી ઓનલાઈન બુકિંગ કરાવ્યું હતું. પૂછપરછ દરમિયાન ઉમેન્દ્રએ ખુલાસો કર્યો કે તેની બુલંદશહેરના સિકંદરાબાદમાં પણ એક કંપની છે, જે કૃષિ સાધનો બનાવે છે. તે કંપનીના સહયોગીઓને મનોરંજન માટે નૈનિતાલ લઈ ગયો હતો.

તે દસ દિવસ પહેલા રામનગર આવ્યો હતો અને એક્રોન રિસોર્ટમાં 2 લાખ, 20 હજાર જમા કરાવ્યા હતા. સિટી એસપી વિનાયક ગોપાલ ભોંસલેએ જણાવ્યું હતું કે સોશિયલ મીડિયા દ્વારા માહિતી મળી હતી કે ઉમેન્દ્ર નૈનીતાલમાં ગેરકાયદેસર પ્રવૃત્તિઓમાં સંડોવાયેલો પકડાયો છે. નૈનીતાલ પોલીસે મેરઠ પોલીસનો સંપર્ક કર્યો ન હતો.

આ પાર્ટી કંપની સાથે સંકળાયેલા લોકો માટે હતી.

ઉમેન્દ્રએ જણાવ્યું કે આ પાર્ટી કંપની સાથે સંકળાયેલા લોકોના મનોરંજન માટે આયોજિત કરવામાં આવી હતી. તેમણે રિસોર્ટના જીએમ લખેન્દ્ર ચૌધરીનો સંપર્ક કર્યો હતો અને તેમને દારૂ, છોકરીઓ અને વધારાની સેવાઓની વ્યવસ્થા કરવા કહ્યું હતું. પોલીસના જણાવ્યા અનુસાર, કંપનીના કર્મચારી રાહુલ ગુપ્તા ઉર્ફે સની દ્વારા છોકરીઓની વ્યવસ્થા પ્રતિ છોકરી 10,000 રૂપિયામાં કરવામાં આવી હતી.

શુક્રવારે મોડી રાત્રે મળેલી બાતમીના આધારે, માનવ તસ્કરી વિરોધી એકમ, સ્પેશિયલ ઓપરેશન ગ્રુપ (SOG) અને રામનગર પોલીસની સંયુક્ત ટીમે એક્રોન રિસોર્ટ પર દરોડો પાડ્યો હતો. અન્ય રાજ્યો અને વિદેશની દસ મહિલાઓ ઉત્તર પ્રદેશ અને દિલ્હીના પુરુષો સાથે પરવાનગી વિના પાર્ટી કરતી જોવા મળી. અભદ્ર કૃત્યો આચરવામાં આવી રહ્યા હતા, સાથે જ નૃત્ય કરતી મહિલાઓ પર પૈસા ફેંકવામાં આવી રહ્યા હતા .

તેમાં એક કિશોરી છોકરી પણ હતી. પોલીસે ઘટનાસ્થળેથી તમામ 52 આરોપીઓની ધરપકડ કરી હતી. રિસોર્ટના જીએમ સહિત તેમની સામે ભારતીય દંડ સંહિતાની કલમ 143, પોક્સો અધિનિયમની કલમ 14, એક્સાઇઝ અધિનિયમ અને કિશોર ન્યાય અધિનિયમ હેઠળ એફઆઈઆર નોંધવામાં આવી છે.

રજિસ્ટરમાં કોઈ પણ પ્રકારની એન્ટ્રી વગર પાર્ટી યોજાઈ રહી હતી.

પોલીસે રિસોર્ટના એન્ટ્રી રજિસ્ટર તપાસ્યા. તપાસ દરમિયાન જાણવા મળ્યું કે રિસોર્ટના સ્ટાફે રજિસ્ટરમાં કોઈ પણ વ્યક્તિનું નામ દાખલ કર્યું નથી. તેના આધારે રિસોર્ટને સીલ કરવાની કાર્યવાહી કરવામાં આવી છે. પોલીસ કાર્યવાહી દરમિયાન દારૂના ત્રણ બોક્સ, બિયરનો એક બોક્સ, 10 રૂપિયાની નકલી નોટોના 24 બંડલ, એક લેપટોપ, ત્રણ મોબાઈલ ફોન, મ્યુઝિક સિસ્ટમ, સાઉન્ડ બોક્સ અને વાંધાજનક સામગ્રી મળી આવી હતી.