બોલિવૂડ અભિનેત્રી શિલ્પા શેટ્ટીના પતિ રાજ કુન્દ્રા જેલમાં છે. રાજ અને તેના મિત્ર રિયાન થોર્પેની ગયા મહિને મુંબઈ ક્રાઈમ બ્રાન્ચે અશ્લીલ ફિલ્મો બનાવવા બદલ ધરપકડ કરી હતી. તેની ધરપકડ બાદ રાજ કુન્દ્રા અને તેની કંપની સામે નવા પુરાવા સામે આવી રહ્યા છે. મુંબઈ પોલીસે રાજ કુન્દ્રાની એપમાંથી 51 અશ્લીલ ફિલ્મો જપ્ત કરી છે.
આ પણ વાંચો ;દિલ્હીમાં સોમવાર માટે ‘યલો’ અને ‘ઓરેન્જ’ એલર્ટ જારી, હળવાથી મધ્યમ વરસાદની અપેક્ષા
ટાઇમ્સ ઓફ ઇન્ડિયાના અહેવાલ અનુસાર, આ કેસમાં સરકારી વકીલે બોમ્બે હાઇકોર્ટને જણાવ્યું છે કે પોલીસે 51 પોર્નોગ્રાફિક ફિલ્મો જપ્ત કરી છે. આ ફિલ્મો તેમની બે એપમાંથી પુન :પ્રાપ્ત કરવામાં આવી છે. સરકારી વકીલ અરુણા પાઇએ કોર્ટને જણાવ્યું છે કે હોટશોટ એપમાંથી 51 અશ્લીલ અને વાંધાજનક ફિલ્મો જપ્ત કરવામાં આવી છે. વકીલે કહ્યું છે કે આ ફિલ્મોનો રાજ કુન્દ્રા સાથે સીધો સંબંધ છે.
આ પણ વાંચો :મોરબી પોલીસે કરોડો રૂપિયાના દારૂના જથ્થાનો નાશ કર્યો
અરુણા પાઈએ રાજ કુન્દ્રા અને રાયન થોર્પેની ધરપકડ કરવાની માંગ કરી છે. તેઓએ જસ્ટિસ અજય ગડકરીની ખંડપીઠને વીડિયો-કોન્ફરન્સિંગ દ્વારા જણાવ્યું હતું કે રાજ કુન્દ્રા અને રાયન થોર્પે અશ્લીલ સામગ્રી સ્ટ્રીમ કરવાના ગંભીર આરોપો” નો સામનો કરી રહ્યા છે અને પોલીસે ફોન અને સ્ટોરેજ ઉપકરણોમાંથી સામગ્રી જપ્ત કરી છે. અરુણા પાઇએ એમ પણ કહ્યું કે રાજ કુન્દ્રાએ લંડનમાં કંપની ધરાવતા તેમના સાળા પ્રદીપ બક્ષી સાથે હોટશોટ એપ પર ઇમેઇલ સંદેશ આપ્યો હતો.
