પાકિસ્તાન ક્રિકેટ માટે એક ચોંકાવનારા સમાચાર સામે આવ્યા છે. પૂર્વ ફાસ્ટ બોલર અને રાવલપિંડી એક્સપ્રેસ તરીકે પ્રખ્યાત શોએબ અખ્તરની માતાનું નિધન થયું છે. પૂર્વ ક્રિકેટર શોએબ અખ્તરે પોતે સોશિયલ મીડિયા દ્વારા આ માહિતી આપી હતી. તેની માતાના અવસાન પર રમતગમતની દુનિયા સાથે જોડાયેલા ઘણા લોકોએ ઊંડું દુઃખ વ્યક્ત કર્યું છે. શોએબ અખ્તરની માતાનું નામ હમીદા અવાન હતું.
આ પણ વાંચો :વિરાટ અને સ્મિથથી આગળ નિકળ્યો આ ખેલાડી, બનાવ્યો મોટો રેકોર્ડ
શોએબે ટ્વીટ કરીને આપી માહિતી
શોએબ અખ્તરે પોતે સોશિયલ મીડિયા પર તેની માતાના મૃત્યુની માહિતી આપી હતી. તેણે ટ્વીટ કરીને લખ્યું, ‘મારી માતા, મારું સર્વસ્વ, આજે તેણે અલ્લાહ તાલાની મરજીથી આ દુનિયા છોડી દીધી, નમાઝ-એ-જનાઝા અસાર નમાઝ પછી H-8માં પઢવામાં આવશે.
https://twitter.com/shoaib100mph/status/1474837134498430978?ref_src=twsrc%5Etfw%7Ctwcamp%5Etweetembed%7Ctwterm%5E1474837134498430978%7Ctwgr%5E%7Ctwcon%5Es1_&ref_url=https%3A%2F%2Fwww.amarujala.com%2Fcricket%2Fcricket-news%2Fformer-pakistan-fast-bolwer-shoaib-akhtar-mother-dies-former-cricketer-tweeted-information
આ પણ વાંચો :સૂર્યકુમાર યાદવે ક્રિકેટ મેદાનમાં બતાવ્યું પોતાનુ રૌદ્ર સ્વરૂપ, તોફાની અંદાજમાં ફટકારી બેવડી સદી
લાંબા સમયથી ચાલી રહી હતી સારવાર
મીડિયા રિપોર્ટ્સ અનુસાર, શોએબ અખ્તરની માતા લાંબા સમયથી બીમાર હતા અને તેમની સારવાર ચાલી રહી હતી. આ દરમિયાન તેમની તબિયત અચાનક બગડતાં તેમને હોસ્પિટલમાં લઈ જવામાં આવ્યા હતા જ્યાં તેમણે અંતિમ શ્વાસ લીધા હતા. મીડિયા રિપોર્ટ્સ અનુસાર, શોએબની માતાના અંતિમ સંસ્કાર ઈસ્લામાબાદમાં કરવામાં આવશે.
શોએબ અખ્તરે 10 વર્ષ પહેલા ક્રિકેટમાંથી લીધી હતી નિવૃત્તિ
શોએબ અખ્તર, જે પોતાના સમયમાં વિશ્વનો સૌથી ઝડપી બોલર હતો, તેણે 10 વર્ષ પહેલા 2011માં ક્રિકેટમાંથી નિવૃત્તિ લીધી હતી. ક્રિકેટમાં સૌથી ઝડપી બોલ ફેંકવાનો રેકોર્ડ હજુ પણ તેના નામે છે. તેણે આંતરરાષ્ટ્રીય ક્રિકેટમાં 161 કિમી પ્રતિ કલાકની ઝડપે બોલ ફેંક્યો હતો. અખ્તરે 46 ટેસ્ટ, 163 ODI અને 15 T20 આંતરરાષ્ટ્રીય મેચોમાં પાકિસ્તાનનું પ્રતિનિધિત્વ કર્યું છે. આ દરમિયાન અખ્તરે ટેસ્ટમાં 178, વનડેમાં 247 અને T20 આંતરરાષ્ટ્રીયમાં 19 વિકેટ ઝડપી હતી.
આ પણ વાંચો :આખરે 9 વર્ષ બાદ રેડ બોલ ક્રિકેટમાં પરત ફરશે એસ. શ્રીસંત
આ પણ વાંચો :અંતિમ બોલ પર પાકિસ્તાને મારી બાજી, ભારતને 2 વિકેટે હરાવ્યું
આ પણ વાંચો : 51 વર્ષની ઉંમર સુધી ફર્સ્ટ ક્લાસ ક્રિકેટ રમનાર આ ખેલાડીએ લીધો અંતિમ શ્વાસ
