Haryana news: ફરીદાબાદ (Faridabad)ના માવઈ ગામ પાસે ઝાડીઓમાંથી લાલ સૂટકેસમાં એક મહિલાનું ધડ (Head) મળી આવતા વિસ્તારમાં હંગામો મચી ગયો હતો. જ્યારે સ્થાનિક લોકોને સુટકેસમાંથી તીવ્ર ગંધ આવતી અનુભવાઈ, ત્યારે તેમણે તાત્કાલિક પોલીસને જાણ કરી.
પોલીસે ઘટનાસ્થળે પહોંચીને મૃતદેહનો કબજો લીધો અને તેને બીકે હોસ્પિટલના શબઘરમાં રાખ્યો. ફોરેન્સિક ટીમે તપાસ કરી અને જાણવા મળ્યું કે લાશ લગભગ એક અઠવાડિયા જૂની હતી. અધિકારીઓના જણાવ્યા અનુસાર, મહિલાની ઉંમર 35 થી 40 વર્ષની વચ્ચે હોવાની શક્યતા છે, પરંતુ હજુ સુધી તેની ઓળખ થઈ નથી. ખેડીપુલ પોલીસ સ્ટેશન વિસ્તારમાં બનેલી આ ઘટના અંગે પોલીસે નજીકમાં રહેતા લોકોની પૂછપરછ શરૂ કરી છે . પોલીસ અધિકારીઓનું કહેવું છે કે આ કેસ હત્યાનો હોઈ શકે છે, અને મહિલાના શરીરના અન્ય ભાગોની શોધ ચાલુ છે.
ડેપ્યુટી કમિશનર ઓફ પોલીસ ઉષા દેવીએ જણાવ્યું હતું કે, ‘ધડની સ્થિતિ ખૂબ જ ખરાબ છે, જે સ્પષ્ટપણે દર્શાવે છે કે લાશ લગભગ એક અઠવાડિયાથી અહીં પડી હતી.’ કોઈપણ શંકાસ્પદ ગતિવિધિ જોવા મળે તે માટે નજીકમાં રહેતા લોકોની પૂછપરછ કરવામાં આવી રહી છે.
આ ઘટના બાદ મવઈ ગામ અને આસપાસના વિસ્તારોમાં ભયનો માહોલ છે. પોલીસ વિવિધ પોલીસ સ્ટેશનોમાંથી ગુમ થયેલા અહેવાલોની તપાસ કરી રહી છે જેથી મહિલાની ઓળખ થઈ શકે. પોલીસનું કહેવું છે કે આ મામલાની સંપૂર્ણ તપાસ કરવામાં આવશે અને ગુનેગારોને વહેલી તકે પકડવાના પ્રયાસો કરવામાં આવશે.
આ પણ વાંચો:
આ પણ વાંચો:
આ પણ વાંચો:
