Us News: અમેરિકાના ટેક્સાસમાં ટાર્ગેટ કંપનીના સ્ટોરના પાર્કિંગમાં એક બંદૂકધારીએ ગોળીબાર કર્યો. આ ઘટનામાં 3 લોકોના મોત થયા. ઘટના બાદ હુમલાખોર ઘટનાસ્થળેથી એક કાર ચોરીને ભાગી ગયો. જોકે, પોલીસે તેને શહેરના બીજા ભાગમાંથી ધરપકડ કરી છે.
પોલીસના જણાવ્યા અનુસાર, આરોપીનું માનસિક સ્વાસ્થ્ય સારું નથી. તે લગભગ 30 વર્ષનો છે. ગોળીબારની ઘટના બાદ તેણે ત્યાંથી એક કાર ચોરીને ભાગી ગયો. બાદમાં તેણે આ કારને નુકસાન પહોંચાડ્યું અને પછી ડીલરશીપમાંથી બીજી કાર ચોરી લીધી.
બે લોકોના ઘટનાસ્થળે જ મોત થયા
અધિકારીઓએ જણાવ્યું હતું કે બે લોકો ઘટનાસ્થળે જ મૃત હાલતમાં મળી આવ્યા હતા, જ્યારે એક વ્યક્તિને હોસ્પિટલમાં લઈ જવામાં આવ્યો હતો અને ત્યાં તેને મૃત જાહેર કરવામાં આવ્યો હતો. ઘાયલોની પણ સારવાર ચાલી રહી છે. ઓસ્ટિનના મેયરે ઘટના પર દુઃખ વ્યક્ત કર્યું છે અને પીડિતોના પરિવાર પ્રત્યે સંવેદના વ્યક્ત કરી છે.
સ્ટોરના કર્મચારીઓને ટાર્ગેટના પાર્કિંગમાં ગોળીબારની માહિતી મળતા જ તેમણે સ્ટોરના દરવાજા બંધ કરી દીધા હતા. એક કર્મચારીએ કહ્યું કે તેણે પાર્કિંગમાં લોકોને ગભરાઈને પોતાની કારમાંથી ભાગતા જોયા.
બે અઠવાડિયા પહેલા જ, મિશિગનમાં એક વોલમાર્ટ સ્ટોર પર હુમલો થયો હતો. 26 જુલાઈના રોજ ટ્રેવર્સ સિટી સ્ટોરમાં 11 લોકોને છરી મારીને માર મારનાર એક વ્યક્તિ પર આતંકવાદ અને હત્યાના પ્રયાસના અનેક આરોપો મૂકવામાં આવ્યા છે.
આ પણ વાંચો:ચીન-રશિયાની જાપાન સમુદ્રમાં ગુપ્ત લશ્કરી કવાયત, પુતિન-શીની યોજના, US સબમરીનનો જવાબ!
આ પણ વાંચો: અમેરિકામાં અભ્યાસ કરતા લોકો માટે ખરાબ સમાચાર!સમાપ્ત થઈ શકે છે OPT પ્રોગ્રામ,નહીં મળે નોકરી
