• પાગલ બોયફ્રેન્ડના ઘર પર બુલડોઝર ફરી વળ્યું
• યુવક સામે ઝડપી કાર્યવાહી ન કરનારા પોલીસ સ્ટેશન ઇન્ચાર્જ સસ્પેન્ડ
• મધ્યપ્રદેશના રિવા જિલ્લાના મઉગંજ ખાતે બન્યો બનાવ

એમપીના રીવામાં પ્રેમિકાને બેહોશ થાય ત્યાં સુધી મારનાર અને તેનો વિડીયો વાઇરલ કરનારા પ્રેમી અને તેના સાથીદારની યુપીના મિરઝાપુરમાંથી પોલીસે ધરપકડ કરી છે. ફક્ત એટલું જ નહી આ કેસમાં દોષિત યુવક સામે કાર્યવાહી કરવામાં વિલંબ કરનારા પોલીસ સ્ટેશન ઇન્ચાર્જને સસ્પેન્ડ કરવામાં આવ્યા છે.

ફક્ત એટલું જ નહીં બુલડોઝર ચલાવીને આરોપીના ઘરને તોડી પાડવામાં આવ્યું છે. પોલીસે આરોપી પંકજ ત્રિપાઠી વિરુદ્ધ અપહરણ, હુમલો અને અન્ય કલમો હેઠળ કેસ નોંધ્યો છે. આ સાથે વીડિયો વાયરલ કરનાર યુવક વિરુદ્ધ આઈટી એક્ટ હેઠળ કેસ નોંધવામાં આવ્યો છે.

આ મામલો રીવા જિલ્લાના મઉગંજનો છે. વાયરલ થયેલા વીડિયોમાં એક યુવક તેની ગર્લફ્રેન્ડને નિર્દયતાથી મારતો જોવા મળ્યો હતો. બોયફ્રેન્ડ ગર્લફ્રેન્ડને મારતો આ વિડીયો જોઈને લોકો ગુસ્સે થઈ ગયા. તેની નિર્દયતા જોઈને સૌના હૃદય હચમચી ગયા. વાયરલ વિડીયોમાં પ્રેમી-પ્રેમિકા ગામના નિર્જન રસ્તા પર હતા.

આ વિડીયોમાં જોઈ અને સાંભળી શકાય છે કે ગર્લફ્રેન્ડ તેના બોયફ્રેન્ડ સાથે લગ્ન કરવા પર અડગ હતી. તેણે કહ્યું કે લગ્ન કર્યા પછી આપણે સાથે જઈએ. પંકજ આ વાતથી નારાજ થઈ ગયો હતો અને તેને જોઈને તેણે યુવતી સાથે દુર્વ્યવહાર કરીને તોડફોડ કરી હતી.

પંકજે પહેલા યુવતીને થપ્પડ મારી, પછી તેને જમીન પર પટકાવી દીધી અને લાતો મારતો રહ્યો. જ્યાં સુધી તે બેહોશ ન થઈ ગઈ ત્યાં સુધી તેણે તેને મારવાનું ચાલુ રાખ્યું. યુવતી કલાકો સુધી રસ્તાના કિનારે બેભાન અવસ્થામાં પડી રહી હતી. તે જ સમયે નજીકમાં ઉભેલા વ્યક્તિએ આ સમગ્ર ઘટનાને પોતાના મોબાઈલમાં રેકોર્ડ કરી રાખી હતી. આ દરમિયાન ગામના કેટલાક લોકો ઘટનાસ્થળે પહોંચ્યા અને પોલીસને જાણ કરી.

આ પણ વાંચોઃ

અમરેલી/મિલોથી ધમધમતું આ ગામ બન્યું બેરોજગાર, લોકોએ સરકાર સમક્ષ કરી માંગ

સ્ટેટમોનિટરિંગ સેલની મોટી કાર્યવાહી/ઇન્ટરનેશનલ સટ્ટા બેટિંગ મુખ્ય આરોપી જીગર ટોપીવાલાની ધરપકડ