Jamnagar News: જામનગર જિલ્લાના લાલપુર વિસ્તારમાં સ્ટેટ મોનિટરિંગ સેલ (SMC Raid) દ્વારા મેગા દરોડો પાડીને વિદેશી દારૂના મોટા જથ્થાનો પર્દાફાશ કરવામાં આવ્યો છે. કાર્યવાહી દરમિયાન ટેન્કરમાંથી 5,978 બોટલ વિદેશી દારૂ મળી આવ્યો હતો. સમગ્ર ઓપરેશનમાં કુલ રૂ.1.08 કરોડથી વધુનો મુદ્દામાલ જપ્ત (Jamnagar Liquor Seizure) કરવામાં આવ્યો છે.
SMC Raid: રૂ.77 લાખથી વધુનો વિદેશી દારૂ જપ્ત
દરોડા દરમિયાન પોલીસે અંદાજે રૂ.77 લાખથી વધુ કિંમતનો વિદેશી દારૂ(Foreign Liquor Seized) કબજે કર્યો હતો. ઉપરાંત દારૂના જથ્થાના પરિવહન માટે ઉપયોગમાં લેવાયેલ ટેન્કર સહિત કુલ મુદ્દામાલની કિંમત રૂ.1.08 કરોડથી વધુ હોવાનું સામે આવ્યું છે.
ત્રણ આરોપીઓ ઝડપાયા, બે હજુ ફરાર
આ કાર્યવાહી દરમિયાન સ્ટેટ મોનિટરિંગ સેલે ત્રણ આરોપીઓની ધરપકડ (Bootlegger Arrest) કરી છે. જ્યારે આ કેસમાં સંડોવાયેલા અન્ય બે આરોપીઓ હાલ ફરાર હોવાનું સામે આવ્યું છે. ફરાર આરોપીઓને ઝડપી લેવા માટે વિવિધ ટીમો દ્વારા તપાસ અને શોધખોળ તેજ કરવામાં આવી છે.
બુટલેગરોમાં ફફડાટ, તપાસનો વ્યાપ વધારાયો
આટલી મોટી માત્રામાં વિદેશી દારૂ ઝડપાતા દારૂના ગેરકાયદે ધંધા સાથે સંકળાયેલા તત્વોમાં ફફડાટ ફેલાયો છે. પોલીસ હવે દારૂનો જથ્થો ક્યાંથી લાવવામાં આવ્યો હતો, કોના માટે મોકલવામાં આવી રહ્યો હતો અને સમગ્ર નેટવર્કમાં અન્ય કોણ-કોણ સંડોવાયેલા છે તે દિશામાં વધુ તપાસ ચલાવી રહી છે.
આ પણ વાંચો: વડોદરાના ખાનપુર ચોકડી નજીક દારૂ ભરેલી કાર પકડાઈ, 2.90 લાખ રૂપિયાનો દારૂ જપ્ત
આ પણ વાંચો: જામનગરના ગોરધનપર ગામમાં 10 લાખથી વધુનો વિદેશી દારૂ જપ્ત
આ પણ વાંચો: રાજકોટના જસદણમાંથી એક કરોડનો વિદેશી દારૂ જપ્ત, નર્મદામાં 30 લાખના દારૂનો નાશ
