ખૂબ જ રોમાંચક યુરો કપ મેચમાં સ્પેને ક્રોએશિયાને હરાવીને ક્વાર્ટર ફાઇનલમાં સ્થાન સુરક્ષિત રાખ્યું છે. સોમવારે રમાયેલી મેચમાં પરિણામ અંત સુધી આવ્યુ નહોતુ. સ્પેને સોમવારે કોપેનહેગનમાં ચાલી રહેલા યુરો કપની મેચમાં એક્સ્ટ્રા સમય બાદ ક્રોએશિયાને 5-3થી હરાવીને ક્વાર્ટર ફાઇનલમાં જગ્યા બનાવી લીધી છે.
આ પણ વાંચો – IPL 2021 / ક્રિકેટ ફેન્સ માટે આવી શકે છે Good News, આજે જાહેર થઇ શકે છે IPL-14 ની બાકી મેચોનું Schedule
પોતાની 16 મેચનાં રાઉન્ડમાં, સ્પેને અલ્વારો મોરાટે 100 મી મિનિટમાં ગોલ કરીને સ્પેનને 4-3થી આગળ કરી દીધું હતુ અને માઇકલ ઓયારાઝાબલે 103 મી મિનિટમાં ગોલ કરીને સ્પેનને ડબલ લીડ અપાવી હતી. અંતિમ થોડી મિનિટોમાં, ક્રોએશિયાએ સખત લડત આપી પરંતુ એક પણ ગોલ કરવામાં અસમર્થ રહ્યા કારણ કે સ્પેને લાઇન પાર કરી લીધી હતી. પહેલા હાફમાં, સ્પેને સ્ટ્રિંગ પાસ માટે સંઘર્ષ કર્યો અને સ્ટ્રાઈકર સ્કોર કરવામાં નિષ્ફળ ગયા. સ્પેનનાં ગોલકીપર ઉનાઈ સાઇમોન પેડ્રીની એક બાઉન્સિંગ પાસને પણ કાબૂ કરી શક્યા નહોતા, જેના કારણે ક્રોએશિયા લીડ મેળવી લીધી હતી. જોકે, 38 મી મિનિટમાં પાબ્લો સારાબિયાએ શાનદાર ગોલ ફટકારતાં સ્પેન રમતમાં પાછુ ફર્યુ હતુ. બીજા હાફમાં, બંને ટીમોએ રમત 1-1થી શરૂ કરી હતી, પરંતુ 57 મી મિનિટમાં સીઝર ઇઝપિલિકુએટાએ સ્પેન માટે પોતાનો પહેલો ગોલ કર્યો અને ટીમે લીડ ફરીથી મેળવી લીધી.
આ પણ વાંચો – વર્લ્ડ ચેમ્પિયન / તીરંદાજી વર્લ્ડ કપમાં ભારતે ઇતિહાસ રચ્યો,અભિષેકે ભારતને ફાઇનલમાં ગોલ્ડ અપાવ્યો
ત્યારબાદ બરોબરી કરવા ક્રોએશિયા સખત મહેનત કરતુ રહ્યુ. જોકે, ફેરન ટોરેસે 76 મી મિનિટમાં ગોલ કરીને સ્પેનની લીડ બમણી કરી દીધી હતી. પરંતુ રમતનાં અંતિમ ક્ષણોમાં ક્રોએશિયાની ટીમ રમતમાં પરત ફરી, કારણ કે મિસ્લાવ ઓર્સિક અને મારિયો પાસાલિકે ગોલ કર્યા અને છ ગોલ (3-3) બાદ મેચ એકસ્ટ્રા ટાઇમમાં ચાલી ગઇ હતી. યુરો કપની ક્વાર્ટર ફાઈનલમાં આગળ વધવા માટે સ્પેનએ એક્સ્ટ્રા સમયમાં બે ગોલ કર્યા હતા કારણ કે તેણે સોમવારે ક્રોએશિયાને 5-3 થી હરાવી હતી. યુરો 2012 ની ફાઇનલમાં ઇટાલીને પરાજિત કર્યા બાદ સ્પેને મોટી ટુર્નામેન્ટ નોકઆઉટ મેચ જીતી ન હોતી, પરંતુ સોમવારે તેની જીતનો સિલસિલો સમાપ્ત કર્યો હતો.
