Womens T20 World Cup: ભારતે 2026ના મહિલા ટી20 વર્લ્ડ કપમાં જીત સાથે પોતાના અભિયાનની શરૂઆત કરી હતી. ટીમ ઈન્ડિયાએ પોતાની શરૂઆતની મેચમાં કટ્ટર હરીફ પાકિસ્તાનને 64 રનથી હરાવ્યું હતું. ટી20 વર્લ્ડ કપમાં પાકિસ્તાન સામે ભારતનો આ સાતમો વિજય છે. હરમનપ્રીત કૌરની ભારતીય ટીમે પ્રથમ બેટિંગ કરીને 170 રન બનાવ્યા હતા. જવાબમાં પાકિસ્તાન ફક્ત 106 રન જ બનાવી શક્યું હતું. ભારત તરફથી સ્મૃતિ મંધાનાએ ૬૮ રનની ધમાકેદાર ઇનિંગ રમી હતી, જ્યારે દીપ્તિ શર્મા બોલિંગમાં મુખ્ય ભૂમિકા ભજવી હતી, તેણે ચાર ઓવરમાં માત્ર 10 રન આપીને પાંચ વિકેટ લીધી હતી.

ભારતના 171 રનના લક્ષ્યાંકના જવાબમાં, પાકિસ્તાને એક સમયે છ ઓવરમાં ૫૨ રન બનાવ્યા હતા. ઓપનરોએ શાનદાર શરૂઆત કરી હતી. આ પહેલી વાર હતું જ્યારે પાકિસ્તાને ટી૨૦ આંતરરાષ્ટ્રીય મેચમાં ભારત સામે પાવરપ્લેમાં આટલો મોટો સ્કોર બનાવ્યો હતો. જોકે, સાતમી ઓવરથી, ભારતીય બોલરોએ કોઈ ભૂલ કરી નહીં, નિયમિત અંતરે વિકેટ લઈને પાકિસ્તાનને હરાવ્યું.

દીપ્તિ શર્માએ ઇતિહાસ રચ્યો, 350 વિકેટ પૂર્ણ કરી

ચાર ઓવરમાં માત્ર 10 રન આપીને પાંચ વિકેટ લેનાર દિપ્તિ શર્માને પ્લેયર ઓફ ધ મેચ જાહેર કરવામાં આવી. દીપ્તિએ આંતરરાષ્ટ્રીય ક્રિકેટમાં 350 વિકેટ પણ પૂર્ણ કરી, આ સિદ્ધિ મેળવનારી વિશ્વની બીજી મહિલા બોલર બની. શ્રીચરણીએ ત્રણ વિકેટ લીધી. પાકિસ્તાન સંપૂર્ણ 20 ઓવર રમવામાં નિષ્ફળ ગયું. પાકિસ્તાન 17 ઓવરમાં 106 રનમાં ઓલઆઉટ થઈ ગયું, અને ભારતે 64 રનથી મેચ જીતી લીધી.

ટોસ જીતીને પ્રથમ બેટિંગ કરવાનો નિર્ણય લીધા પછી, ભારતીય ટીમે 20 ઓવરમાં 6 વિકેટે 170 રન બનાવ્યા. ભારત માટે સ્મૃતિ મંધાનાએ 44 બોલમાં 68 રન, કેપ્ટન હરમનપ્રીત કૌરે 35 બોલમાં 36 રન અને રિચા ઘોષે 17 બોલમાં 34 રન બનાવ્યા.

તેના જવાબમાં, પાકિસ્તાન માટે ઓપનર મુનીબા અલીએ સૌથી વધુ 41 રન બનાવ્યા. અન્ય કોઈ બેટ્સમેન સતત રમી શક્યો નહીં. ગુલ ફિરોઝા 12, આયેશા ઝફર 12, સાયરા જાબીન 2, નતાલિયા પરવેઝ 7, કેપ્ટન સના ફાતિમા શૂન્ય અને આલિયા રિયાઝ 18 રન બનાવીને આઉટ થઈ ગયા હતા. અંતે રમીન શમીમ 04, નશરા સંધુ 04 અને તસ્મિયા રૂબાબ ઝીરો બનાવી પેવેલિયન પરત ફર્યા હતા. ભારતીય ટીમ માટે દીપ્તિ શર્માએ ચાર ઓવરમાં 10 રન આપીને પાંચ વિકેટ લીધી. શ્રીચરાનીએ ચાર ઓવરમાં 21 રન આપીને ત્રણ વિકેટ લીધી. શેફાલી વર્માએ ત્રણ ઓવરમાં ૨૨ રન આપીને એક વિકેટ લીધી. પાકિસ્તાનનો એક બેટ્સમેન રન આઉટ થયો.

આ પણ વાંચો: વિશ્વ ચેમ્પિયન મહિલા ટીમ આજે PM મોદીને મળશે,ખેલાડીઓની ખાસ ફ્લાઇટમાં દિલ્હી પહોંચશે

આ પણ વાંચો: મહિલા ટીમે વર્લ્ડ કપ જીત્યા બાદ ટ્રોફીને પૂર્વ પ્લેયર સાથે શેર કરી…

આ પણ વાંચો: ઇતિહાસ રચાયોઃ ભારત સાઉથ આફ્રિકાને હરાવીને ICC વીમેન્સ વર્લ્ડ કપમાં પહેલી જ વખત વર્લ્ડ ચેમ્પિયન