અનંતપુર,

ક્રિકેટની રમતને હંમેશાની માટે અનિશ્ચિત્તાઓની ગેમ કહેવાય છે, જ્યાં કોઈક વાર એવા રેકોર્ડ બનતા હોય છે કે જેને લઈ સપનું જોવું પણ શક્ય હોતું નથી.

આ વચ્ચે મણિપુરના ૧૮ વર્ષીય બોલરે એક ઇનિગ્સમાં ૧૦ વિકેટ ઝડપવાનો એક રેકોર્ડ પોતાના નામે કર્યો છે.

https://twitter.com/ThisIs_Sri/status/1073181605777174529

મીડિયમ પેસર બોલર રેક્સ રાજકુમાર સિંહે ચાર દિવસીય કૂચ બિહાર ટ્રોફીની અન્ડર – ૧૯ ટુર્નામેન્ટમાં અરુણાચલ પ્રદેશ સામે આ કમાલ કર્યો છે.

અનંતપુરમાં રૂરલ ડેવલોપમેન્ટ ટ્રસ્ટ સ્ટેડિયમમાં મણિપુરની ટીમ દ્વારા અરુણાચલ પ્રદેશને બીજી ઇનિંગ્સમાં માત્ર ૩૬ રન પર જ ઓલ આઉટ કરી દીધી હતી. જો કે આ ઇનિગ્સની ખાસ વાત એ છે કે, રાજકુમારે ૯.૫ ઓવરમાં ૬ મેડન સાથે માત્ર ૧૧ રન આપી ૧૦ વિકેટ ઝડપી હતી.