હૈદરાબાદ,
ભારત અને વેસ્ટ ઇન્ડીઝ વચ્ચે રમાઈ રહેલી બે ટેસ્ટ મેચની શ્રેણીની બીજી અને અંતિમ ટેસ્ટ મેચ હૈદરાબાદના રાજીવ ગાંધી આંતરરાષ્ટ્રીય ક્રિકેટ સ્ટેડિયમ ખાતે રમાઈ રહી છે.
પ્રથમ બેટિંગ કરતા વેસ્ટ ઇન્ડીઝની ટીમે ૩૧૧ રન બનાવ્યા છે. કેરેબિયન ટીમ તરફથી મિડલ ઓર્ડર બેટ્સમેન ચેજે શાનદાર સદી ફટકારતા ૧૦૬ રન બનાવ્યા હતા.
ROSTON CHASE 💯
The batsman leads the Windies attack from the front, bringing up his fourth Test hundred! 👏#INDvWI LIVE ⬇️https://t.co/E9pqFy2Khv pic.twitter.com/xWGYBl4qQB
— ICC (@ICC) October 13, 2018
જયારે ભારતીય ટીમે પ્રથમ ઇનિંગ્સમાં વિકેટકીપર બેટ્સમેન વૃષભ પંત અને રહાનેની ફિફ્ટી સાથે ૩૬૭ રનનો સ્કોર ખડકયો છે અને કેરેબિયન ટીમ પર ૫૬ રનની લીડ ચઢાવી છે.
ભારત દ્વારા ૫૬ રનની લીડ આપ્યા બાદ બીજી ઇનિંગ્સમાં વેસ્ટ ઇન્ડીઝની ટીમનો ધબડકો થયો છે. હાલમાં કેરેબિયન ટીમે ૪ વિકેટના નુકશાને ૫૫ રન બનાવી લીધા છે. ઓપનર બેટ્સમેન પોવેલ અને ક્રેગ બ્રેઈથવેટ પોતાનું ખાતું પણ ખોલાવી શક્યા ન હતા. ત્યારબાદ શાઈ હોપ ૨૮ રન, હેટમેયર ૧૭ રન બનાવી આઉટ થયા હતા.
હાલમાં સુનિલ એમ્બ્રીસ ૧૧ રન અને પ્રથમ ઇનિંગ્સમાં શાનદાર સદી ફટકારનાર ચેજ ૨ રને રમતમાં છે. જયારે ભારતીય ટીમ તરફથી ઝડપી બોલર ઉમેશ યાદવ, સ્પિન બોલર આર. અશ્વિન. જાડેજા અને કુલદીપ યાદવે અનુક્રમે ૧-૧ વિકેટ ઝડપી છે.
ભારત પ્રથમ ઇનિંગ્સમાં ૩૬૭ રનમાં થયું ઓલ આઉટ
ભારતીય ટીમે પ્રથમ ઇનિંગ્સમાં ૩૬૭ રન બનાવ્યા હતા અને ૫૬ રનની મહત્વપૂર્ણ લીડ મેળવી હતી. ઓપનર બેટ્સમેન કે એલ રાહુલ ૪ રન, પૃથ્વી શો ૭૦ રન, પુજારા ૧૦ રન અને કેપ્ટન વિરાટ કોહલી ૪૬ રન બનાવી આઉટ થયા હતા. જયારે ત્રીજા દિવસની શરૂઆતમાં અજીન્ક્ય રહાને ૮૦ રન બનાવી આઉટ થયો હતો.
બીજી બાજુ વૃષભ પંત સતત બીજી મેચમાં નર્વસ નાઈન્ટીનો ભોગ બનતા ૯૨ રન ફટકાર્યા હતા, જયારે આર. અશ્વિને ૩૫ રન બનાવ્યા હતા.
WHAT A SPELL 👏
Jason Holder, the Windies captain, scythes through the Indian batting to pick up his fifth five-wicket haul in the #INDvWI Test in Hyderabad.#INDvWI pic.twitter.com/nvXJubH8FD
— ICC (@ICC) October 14, 2018
વેસ્ટ ઇન્ડીઝની ટીમ તરફથી કેપ્ટન જેશન હોલ્ડરે ૫ વિકેટ ઝડપી હતી. જયારે ગેબ્રિયલે ૩ વિકેટ અને વોરિકેને ૨ વિકેટ ઝડપી છે.
વેસ્ટ ઇન્ડીઝની ટીમ ૩૧૧ રનમાં થઇ ઓલ આઉટ
આ પહેલા કેરેબિયન ટીમને પહેલો ઝટકો ઓપનર બેટ્સમેન પોવેલના સ્વરૂપમાં લાગ્યો હતો. પોવેલ ૨૨ રન બનાવી આર. અશ્વિનનો પ્રથમ શિકાર બન્યો હતો. જયારે ક્રેગ બ્રેઈથવેટ ૧૪ રન, શાઈ હોપ ૩૬ રન, સુનિલ એમ્બ્રીસ ૧૮ રન, શેન ડોવિચ ૩૦ રન અને હેટમેયર ૧૨ રન, કેપ્ટન જેશન હોલ્ડર ૫૨ રન બનાવી આઉટ થયા હતા.
Innings Break!
A fairly quick finish to proceedings there on Day 2. Windies all out for 311
Updates – https://t.co/U21NN9m6XC #INDvWI pic.twitter.com/qSuXT2uTVH
— BCCI (@BCCI) October 13, 2018
જયારે ભારત તરફથી ઝડપી બોલર ઉમેશ યાદવે શાનદાર બોલિંગ કરતા સૌથી વધુ ૬ વિકેટ ઝડપી હતી. જયારે કુલદીપ યાદવે ૩ વિકેટ તેમજ આર અશ્વિન ૧ વિકેટ ઝડપી હતી.
શાર્દુલ ઠાકુરે કર્યું ડેબ્યુ
વેસ્ટ ઇન્ડીઝ સામેની બીજી ટેસ્ટ મેચમાં ઝડપી બોલર શાર્દુલ ઠાકુરે ભારતીય ટીમમાં ડેબ્યુ કર્યું છે. પરંતુ ઠાકુરને પોતાની પ્રથમ મેચમાં જ માત્ર ૧.૫ ઓવરનો સ્પેલ કર્યા બાદ ઈજાગ્રસ્ત થવાના કારણે મેદાનમાંથી બહાર થવું પડ્યું છે.
👏👏 Proud moment for @imShard as he receives his Test cap from @RaviShastriOfc, becomes the 294th player to represent #TeamIndia in Tests.#INDvWI pic.twitter.com/2XcClLka9a
— BCCI (@BCCI) October 12, 2018
આ સાથે જ શાર્દુલ ઠાકુર ભારત માટે ટેસ્ટ મેચ રમનાર ૨૯૪મો ક્રિકેટર બન્યો છે. ઠાકુરને ઝડપી બોલર મોહમ્મદ શામીના સ્થાને શામેલ કરવામાં આવ્યો છે.
બીજી બાજુ કેરેબિયન ટીમમાં ઈજાના કારણે બહાર થયેલા કેપ્ટન જેશન હોલ્ડરનું ટીમમાં પુનરાગમન થયું છે, જયારે કિમો પોલને બહાર થવું પડ્યું છે. આ ઉપરાંત શેરમન લુઇસના સ્થાને જોમેલ વારીકેનને અંતિમ ઈલેવનમાં સ્થાન આપવામાં આવ્યું છે.
