રાજસ્થાનમાં વિવિધ યુનિવર્સિટીઓ અને તેની સંલગ્ન કોલેજોમાં વિદ્યાર્થી સંઘની ચૂંટણીઓ યોજાઈ રહી છે. અહીં લગભગ 2 વર્ષ બાદ વિદ્યાર્થી સંઘની ચૂંટણી યોજાઈ રહી છે. સવારે 8 વાગ્યાથી મતદાન શરૂ થયું હતું. બપોરે 1 વાગ્યા સુધી મતદાન ચાલુ રહ્યું અને શનિવારે મતગણતરી હાથ ધરાશે. સાથે જ શનિવારે બપોર સુધીમાં પરિણામ આવવાનું શરૂ થઈ જશે.
આ દરમિયાન રાજસ્થાનના ભરતપુર અને ધોલપુરનો એક વીડિયો વાયરલ થઈ રહ્યો છે. જ્યાં અનેક વિદ્યાર્થીઓ અન્ય વિદ્યાર્થીઓનો હાથ પકડીને તેમના પગ પકડીને મતદાન કરવા અપીલ કરી રહ્યા છે. આ વીડિયો જોઈને દરેક વ્યક્તિ દંગ રહી ગઈ છે.
ABVP उम्मीदवारों ने वोट के लिए लड़कियों के पकड़े पैर… कहीं दंडवत प्रणाम, राजस्थान छात्र संघ चुनाव में अजब नजारा !! pic.twitter.com/uBayfUekzV
— MP Youth Congress (@IYCMadhya) August 26, 2022
લગભગ 20,700 વિદ્યાર્થીઓ રાજ્યની મુખ્ય શૈક્ષણિક સંસ્થા, જયપુર સ્થિત રાજસ્થાન યુનિવર્સિટીમાં તેમના મતાધિકારનો ઉપયોગ કરી શકશે. યુનિવર્સિટીના પ્રવક્તાએ જણાવ્યું હતું કે રાજ્યભરના લગભગ છ લાખ વિદ્યાર્થીઓને તેમના પ્રતિનિધિઓ પસંદ કરવાની તક મળશે. વહીવટીતંત્રે મતદાન માટે 91 મતદાન મથકો ઉભા કર્યા છે. તમામ ઉમેદવારો આ ચૂંટણી જીતવા માટે પૂરા પ્રયાસ કરી રહ્યા છે.
આ દરમિયાન ભરતપુરના મહારાણી શ્રી જયા કોલેજ વિસ્તારનો એક વીડિયો વાયરલ થયો હતો. જ્યાં કોલેજમાં એક ઉમેદવાર રસ્તા વચ્ચે વિદ્યાર્થીઓના પગ પકડીને નમન કરતો જોવા મળે છે. જ્યાં સુધી ઉમેદવારે વિદ્યાર્થીઓના પગ ન છોડ્યા ત્યાં સુધી તેમને તેમની તરફેણમાં મતોની ખાતરી મળી ન હતી. જિલ્લાની કુલ 12 કોલેજો માટે વિદ્યાર્થી સંઘની ચૂંટણી યોજાઈ રહી છે.
રાજસ્થાન યુનિવર્સિટીના પ્રમુખ પદ માટે NSUI તરફથી રિતુ બરાલા, ABVP તરફથી નરેન્દ્ર યાદવ, નિહારિકા જોરવાલ, નિર્મલ ચૌધરી, પ્રતાપભાનુ મીના અને હિતેશ્વર બૈરવા મેદાનમાં છે. નિહારિકા રાજ્ય સરકારના મંત્રી મુરારી લાલ મીણાની પુત્રી છે, જેમણે NSUIની ટિકિટ ન મળવા પર અપક્ષ ઉમેદવાર તરીકે ચૂંટણી લડી હતી.
મંગળવારે ઉમેદવારોના નામાંકનની ચકાસણી દરમિયાન એબીવીપીના બે ઉમેદવારોના નામાંકન નામંજૂર થયા હતા. જોકે, બાદમાં બંને ઉમેદવારોના નામાંકન માન્ય ગણવામાં આવ્યા હતા.
આ પણ વાંચો:સોનાલી ફોગાટની દીકરીએ ન્યાયની કરી માગ, વીડિયો જોયા પછી આંસુ રોકાશે નહીં
આ પણ વાંચો:કેમ દિગ્ગજ નેતાઓ છોડી રહ્યા છે કોંગ્રેસનો હાથ ?
આ પણ વાંચો:પંચતત્વમાં વિલીન થયા સોનાલી ફોગાટ: દિકરીએ આપ્યો અગ્નિદાહ, ભાઈએ મોત પર કર્યો આ ખુલાસો
