IPL 2023ની 40મી મેચમાં સનરાઈઝર્સ હૈદરાબાદે દિલ્હી કેપિટલ્સને 9 રનથી હરાવ્યું છે. પ્રથમ બેટિંગ કરતા સનરાઈઝર્સ હૈદરાબાદે 20 ઓવરમાં 6 વિકેટ ગુમાવીને 197 રન બનાવ્યા હતા, જેમાં અભિષેક શર્મા અને હેનરિક ક્લાસેનની અડધી સદી હતી. જવાબમાં દિલ્હી કેપિટલ્સની ટીમ ફિલ સોલ્ટ અને મિશેલ માર્શની સદીની ભાગીદારી છતાં 20 ઓવરમાં 6 વિકેટ ગુમાવીને માત્ર 188 રન જ બનાવી શકી હતી.
બીજી તરફ સનરાઈઝર્સ હૈદરાબાદની ટીમ ઘણી મેચોમાં જીતની નજીક આવીને મેચ હારી ગઈ. ટીમને ધીમી શરૂઆતનો માર સહન કરવો પડ્યો હતો. હેરી બ્રુક IPLમાં પોતાની પ્રથમ સદી બાદ પાવરપ્લેમાં રન બનાવવા માટે સંઘર્ષ કરી રહ્યો છે. મયંક અગ્રવાલ, રાહુલ ત્રિપાઠી અને અભિષેક શર્મા જેવા બેટ્સમેનો તેમના પ્રદર્શનમાં સાતત્યપૂર્ણ નથી. છેલ્લી મેચમાં ભુવનેશ્વર કુમારે 4 ઓવરમાં માત્ર 11 રન આપીને 2 વિકેટ લીધી હતી. વોશિંગ્ટન સુંદરે મેચની આઠમી ઓવરમાં 3 વિકેટ લઈને દિલ્હીને મોટો સ્કોર કરતા રોક્યો હતો.
ઉલ્લેખનીય છે કે સનરાઇઝર્સ હૈદરાબાદે દિલ્હી કેપિટલ્સ સામેની મેચમાં અભિષેક શર્મા અને હેનરિક ક્લાસેનની જોરદાર ઇનિંગ્સને કારણે 20 ઓવરમાં 6 વિકેટ ગુમાવીને 197 રન બનાવ્યા છે. હૈદરાબાદ તરફથી અભિષેકે સૌથી વધુ 67 રન બનાવ્યા હતા. દિલ્હી કેપિટલ્સ માટે મિચેલ માર્શ સૌથી સફળ બોલર રહ્યો હતો. તેણે 4 ઓવરમાં 27 રન આપીને 4 વિકેટ લીધી હતી. પ્રથમ બેટિંગ કરવા ઉતરેલી સનરાઇઝર્સ હૈદરાબાદની શરૂઆત સારી રહી ન હતી. ઓપનર મયંક અગ્રવાલ માત્ર 5 રન બનાવીને પેવેલિયન પરત ફર્યો હતો. રાહુલ ત્રિપાઠીએ 6 બોલમાં 10 રન બનાવ્યા હતા. કેપ્ટન એડન માર્કરામ પણ સસ્તામાં આઉટ થયો હતો. તેણે ધીમી ઇનિંગ રમતા 13 બોલમાં 8 રન બનાવ્યા હતા. હેરી બ્રુક ખાતું ખોલાવ્યા વગર જ પેવેલિયન પરત ફર્યો હતો. બંનેને મિશેલ માર્શે પેવેલિયન મોકલ્યા હતા. આ પછી અભિષેક શર્મા 36 બોલમાં 67 રન બનાવીને આઉટ થયો હતો. પોતાની ઇનિંગમાં તેણે 12 ચોગ્ગા અને એક છગ્ગા ફટકાર્યા હતા. અબ્દુલ સમદ 21 બોલમાં 28 રન બનાવીને પેવેલિયન પરત ફર્યો હતો. હેનરિક ક્લાસેન 27 બોલમાં 53 રન બનાવીને અણનમ રહ્યો હતો.
