National News:જામનગરમાં (Jamnagar) વનતારા (Vantara) વાઇલ્ડલાઇફ સેન્ટરમાં (Wildlife Center) કથિત ગેરકાયદેસર વન્યજીવન ટ્રાન્સફર અને હાથીઓના ગેરકાયદેસર કેદની સંપૂર્ણ તપાસની માંગ કરતી PIL પર સુપ્રીમ કોર્ટ સોમવારે ફરી સુનાવણી શરૂ કરશે.ન્યાયાધીશ પંકજ મિત્તલ અને પ્રસન્ના બી.વરાલેની બેન્ચે 25 ઓગસ્ટના રોજ વ્યાપક આરોપોની તપાસ માટે સ્પેશિયલ ઇન્વેસ્ટિગેશન ટીમ (SIT) ની રચના કરવાનો આદેશ આપ્યો હતો, જેનાથી માત્ર વનતારા સામે જ નહીં પરંતુ વૈધાનિક અધિકારીઓ અને અદાલતો પર પણ શંકાઓ ઉભી થઈ હતી.
SITમાં આ લોકોનો સમાવેશ થાય છે.
નિવૃત્ત સુપ્રીમ કોર્ટના ન્યાયાધીશ જસ્તી ચેલમેશ્વર ઉપરાંત, SITમાં ઉત્તરાખંડ અને તેલંગાણા હાઇકોર્ટના ભૂતપૂર્વ મુખ્ય ન્યાયાધીશ રાઘવેન્દ્ર ચૌહાણ, મુંબઈના ભૂતપૂર્વ પોલીસ કમિશનર હેમંત નાગરાલે અને વરિષ્ઠ IRS અધિકારી અનિશ ગુપ્તાનો સમાવેશ થાય છે.
બેન્ચે શું કહ્યું?
બેન્ચે સ્પષ્ટતા કરી કે આ પ્રક્રિયા “કોર્ટને મદદ કરવા માટે માત્ર એક તથ્ય-શોધક તપાસ છે” અને “કોઈપણ વૈધાનિક સત્તાવાળાઓ અથવા ખાનગી પ્રતિવાદી-વનતારા ની કાર્યવાહી પર શંકા વ્યક્ત કરવા તરીકે અર્થઘટન કરવામાં આવશે નહીં.”
SIT ને 12 સપ્ટેમ્બર સુધીમાં તેનો અહેવાલ રજૂ કરવા માટે કહેવામાં આવ્યું હતું અને સર્વોચ્ચ અદાલતે કહ્યું હતું કે SIT ના તારણોને ધ્યાનમાં લેવા માટે બે PIL 15 સપ્ટેમ્બરના રોજ સૂચિબદ્ધ કરવામાં આવશે. જસ્ટિસ મિત્તલની આગેવાની હેઠળની બેન્ચે 12 સપ્ટેમ્બરના રોજ પસાર કરેલા તેના આદેશમાં નોંધ્યું હતું કે SIT એ તેનો અહેવાલ સીલબંધ કવરમાં રજૂ કર્યો છે જેમાં પેન ડ્રાઇવ પણ છે.
