Junagadh News:જૂનાગઢ (Junagadh) જિલ્લાના માંગરોળ તાલુકામાં મોડી રાત્રે માંગરોળ-પોરબંદર હાઇવે પર ગેરકાયદેસર અતિક્રમણ દૂર કરવા માટે જિલ્લા વહીવટીતંત્ર અને પોલીસની સંયુક્ત ટીમે એક વિશાળ ડિમોલિશન (Demolition) ઝુંબેશ હાથ ધરી હતી. આ કાર્યવાહીમાં દરગાહ અને મામાદેવ મંદિર સહિત ધાર્મિક સ્થળોને લગતા ગેરકાયદેસર બાંધકામો તોડી પાડવામાં આવ્યા હતા. આ કાર્યવાહી દરમિયાન કોઈ અનિચ્છનીય ઘટના ન બને તે માટે પોલીસે કડક સુરક્ષા વ્યવસ્થા કરી હતી.
માંગરોલ-પોરબંદર હાઇવે પરના આ અતિક્રમણ લાંબા સમયથી મુશ્કેલીનું કારણ બન્યા હતા, જેના કારણે રસ્તાની આસપાસના વિસ્તારમાં ટ્રાફિક અને અન્ય સમસ્યાઓ ઊભી થઈ હતી. જિલ્લા વહીવટીતંત્રે આ અતિક્રમણને ગેરકાયદેસર જાહેર કરીને તેને દૂર કરવાનો નિર્ણય લીધો હતો. આ કાર્યવાહી રાત્રે કરવામાં આવી હતી, જેથી દિવસ દરમિયાન ભીડ અને વિરોધની શક્યતા ઓછી રહે. આ ઝુંબેશમાં, દરગાહ અને મામાદેવ મંદિરને લગતા ગેરકાયદેસર બાંધકામો જેસીબી અને અન્ય ભારે મશીનોનો ઉપયોગ કરીને તોડી પાડવામાં આવ્યા હતા. આ ઉપરાંત, હાઇવેની આસપાસના અન્ય ગેરકાયદેસર બાંધકામો પણ દૂર કરવામાં આવ્યા હતા. કોઈ અનિચ્છનીય ઘટના ન બને તે માટે જિલ્લા પોલીસ વડાના નેતૃત્વ હેઠળ ચુસ્ત પોલીસ સુરક્ષા વ્યવસ્થા કરવામાં આવી હતી.
આ પણ વાંચો:જૂનાગઢમાં કોર્પોરેટરની હત્યા કેસમાં ધરપકડ બાદ ફરાર થઈને સાધુવેશમાં ફરતા આરોપીની ધરપકડ
આ પણ વાંચો:જૂનાગઢમાં કેદીને સુવિધા આપવાના મામલે PSI સહિત 3 પોલીસ કર્મી સસ્પેન્ડ
