પોતાને દીકરી નહિ હોવાને લઈને પાડોશીની અઢી મહિના પહેલા ૩ વર્ષની દીકરીને સુરતના પાંડેસરા વિસ્તારમાંથી અપહરણ કરી પોતાના કુટુંબી મામાના ઘરે રાખીને દીકરીની જેમ રાખતો ઈસમ વિરૂદ્ધ બાળકીના પિતાએ પોલીસ ફરિયાદ કરી હતી.
જોકે, બાળકીનો ફોટો કે આરોપીની કોઈ વિગત નહિ હોવા છતાં પોલીસે બાળકીને છોડાવીને આરોપીને ઝડપી પાડવામાં સફળતા મેળવી છે. બનાવની વિગતો એવી છે કે સુરતમાં આજથી અઢી મહિના પહેલા પાંડેસરા ના ગોવાલક નગર ખાતે શેત્રપાલ નગરમાં રહેતો ઝારખંડના પરિવારની ૩ વર્ષની બાળકી અચાનક ગુમ થઈ જવાની તેના પાલક પિતાએ ફરિયાદ આપી હતી. જોકે પડોશમાં રહેતો સંજય રાવલ નામનો યુવાન બાળકીને લઈ ગયા બાદ બાળકી ગુમ થઈ હતી. જોકે, પિતાએ જ્યારે પોલીસ ફરિયાદ કરી ત્યારે સંજય નામનો તેમનો પાડોશી ઈશિતા ને રમાડવા માટે લઈ ગયો હતો. જોકે પોલીસે તાત્કાલિક તપાસ શરૂ કરી હતી પણ પોલીસ માટે સમગ્ર કેસમાં સોથી મોટી મુશ્કેલી એ હતી કે આરોપીનો ફોટોગ્રાફ અને કોઈ ફોટો ન હોવાથી કેવી રીતે તપાસ કરવી તે એક મોટો પ્રશ્ન હતો. પોલીસે આ અંદાજે ૧૦ હજાર કરતાં વધારે અલગ અલગ ભાષાઓમાં પોસ્ટર ચોંટાડી ને નિશિતા ના ગુમ થયા અંગે લોકો સુધી માહિતી પહોંચાડી હતી.
આરોપી સંજય રાવલ કેટરિંગ માં વ્યવસાય સાથે સંકળાયેલો હોય પાંડેસરા પોલીસે અલગ અલગ ટીમ બનાવીને તમામ કેટરિંગ ના સાથે જોડાયેલા લોકોના નિવેદનો લેવાના શરૂ કર્યા હતાં
