યુપીએસસી સિવિલ સર્વિસ પરીક્ષાની લાંબા રાહ પછી યુનિયન પબ્લિક સર્વિસ કમિશન (યુપીએસસી)એ નાગરિક સેવાઓ પરીક્ષા 2021 (સીએસઈ 2021)નું જાહેરનામું બહાર પાડ્યું છે. સિવિલ સર્વિસિસ પરીક્ષા 2021 ની વિગતો યુપીએસસીની સત્તાવાર વેબસાઇટ upsc.gov.in પર અપલોડ કરવામાં આવી છે. અહીં પૂરી પાડેલી સીધી લિંક પર માત્ર એક જ ક્લિક કરીને સંપૂર્ણ સૂચના ડાઉનલોડ કરી શકો છો.
યુપીએસસી સિવિલ સર્વિસ પ્રીલીમ્સ 2021એ રવિવાર, 27 જૂન 2021 ના રોજ નિયત સમયપત્રક મુજબ હાથ ધરવામાં આવશે. આ માટેની અરજી કરવાની પ્રક્રિયા શરૂ કરવામાં આવી રહી છે. ઓનલાઇન અરજી ફોર્મની લિંક આગળ આપવામાં આવી છે.
UPSC CSE 2021: ક્યાં અરજી કરવી?
યુનિયન પબ્લિક સર્વિસ કમિશનની સિવિલ સર્વિસીસ પરીક્ષા માટે તમારે યુપીએસસી વેબસાઇટ upsconline.nic.in દ્વારા ઓનલાઇન અરજી કરવી પડશે. અરજી પ્રક્રિયા આજે (04 માર્ચ 2021) થી શરૂ થઈ છે. તમારી પાસે અરજી કરવા 24 માર્ચ 2021 (સાંજે 6 વાગ્યા) સુધી છે.
યુનિયન પબ્લિક સર્વિસ કમિશન દ્વારા જારી કરાયેલા નોટિફિકેશન મુજબ આ વખતે આ પરીક્ષા દ્વારા આશરે 712 પોસ્ટ્સ ભરવામાં આવશે. તેમાંથી 22 દિવ્યાંગ કેટેગરી માટે અનામત રહેશે. અરજી માટે સામાન્ય અને ઓબીસી પુરુષ ઉમેદવારોએ 100 રૂપિયા ફી ચૂકવવી પડશે. અન્ય તમામ વર્ગો અને મહિલાઓ માટે મફત છે.
કોઈ મુશ્કેલી હોય તો હેલ્પલાઈનનો ઉપયોગ કરો
યુપીએસસી સિવિલ સર્વિસિસ પરીક્ષા 2021 અંગેની કોઈપણ માહિતી કે માર્ગદર્શન માટે કમિશનના સગવડતા કાઉન્ટર (યુપીએસસી ઓફિસના ગેટ સી, નવી દિલ્હી)નો સંપર્ક કરી શકો છો. આ સિવાય તમે નીચે આપેલા નંબરો પર કોલ કરીને સંપર્ક કરી શકો છો (અઠવાડિયાના દિવસો પર સવારે 10 થી સાંજના 5 સુધી)
011-23385271
011-23381125
011-23098543
