Tamil Nadu News: તમિલનાડુમાં વિદ્યાર્થીઓના રાજકીય વિરોધ પ્રદર્શનમાં ભાગ લેવાના મુદ્દે સરકારને પોતાનો નિર્ણય બદલવો (Tamil Nadu Government U Turn) પડ્યો છે. સરકારે 14 ઑગસ્ટે જારી કરેલો એવો આદેશ પાછો ખેંચી લીધો છે, જેમાં શાળા અને કોલેજના વિદ્યાર્થીઓને CJP અને ડાબેરી પક્ષો સાથે જોડાયેલા વિરોધ પ્રદર્શનોમાં ભાગ લેતા રોકવા માટે જરૂરી પગલાં લેવાના નિર્દેશ આપવામાં આવ્યા હતા.
14 ઑગસ્ટનો આદેશ હવે પાછો ખેંચાયો
તમિલનાડુ સરકારના શિક્ષણ વિભાગ દ્વારા 14 ઑગસ્ટે યુનિવર્સિટીઓ અને સંબંધિત તંત્રોને સૂચના આપવામાં આવી હતી કે વિદ્યાર્થીઓ રાજકીય વિરોધ પ્રદર્શનોમાં જોડાય નહીં તે માટે જરૂરી વ્યવસ્થા કરવામાં આવે. આ મામલે હવે સરકાર તરફથી નિર્ણયમાં ફેરફાર કરવામાં આવ્યો છે. શિક્ષણ વિભાગના જૉઇન્ટ ડિરેક્ટર સિન્થિયા સેલ્વીએ આદેશ પાછો (Student Protest Order Withdrawn) ખેંચવામાં આવ્યો હોવાની પુષ્ટિ કરી હોવાનું સામે આવ્યું છે. 19 ઑગસ્ટે આ નિર્દેશ પરત લેવામાં આવતા અગાઉનો પ્રતિબંધ હવે અમલમાં રહેશે નહીં.
શાળા-કોલેજના વિદ્યાર્થીઓ પર રાખવાની હતી નજર
પહેલાના આદેશમાં શાળા અને કોલેજના વિદ્યાર્થીઓને રાજકીય પ્રદર્શનોમાં ભાગ લેતા અટકાવવા માટે શિક્ષણ વિભાગ, ઉચ્ચ શિક્ષણ વિભાગ, પોલીસ અને જિલ્લા પ્રશાસન વચ્ચે સંકલન રાખવાના નિર્દેશ આપવામાં આવ્યા હતા. આદેશને કારણે વિદ્યાર્થી સંગઠનો અને રાજકીય વર્તુળોમાં ચર્ચા શરૂ થઈ હતી. ખાસ કરીને NEET Protest મુદ્દે ચાલી રહેલા વિરોધ પ્રદર્શનો વચ્ચે સરકારના આ નિર્ણયને લઈને સવાલો ઊભા થયા હતા.
Tamil Nadu Government U Turn: CJPએ આદેશને ગેરબંધારણીય ગણાવ્યો
આદેશ સામે CJPએ ખુલ્લો વિરોધ (CJP Protest) નોંધાવ્યો હતો. પાર્ટીનું કહેવું હતું કે શાંતિપૂર્ણ રીતે વિરોધ પ્રદર્શન કરવાનો અધિકાર લોકશાહી વ્યવસ્થાનો મહત્વપૂર્ણ ભાગ છે અને વિદ્યાર્થીઓને આવા પ્રદર્શનોમાં જોડાતા અટકાવતો આદેશ ગેરબંધારણીય છે.CJPના પ્રવક્તા સૌરવ દાસે સરકાર પાસે આ આદેશ તાત્કાલિક પાછો ખેંચવાની માગ કરી હતી.
વિરોધ બાદ સરકારનું બદલાયેલું વલણ
આ સમગ્ર વિવાદ તમિલનાડુમાં NEET મુદ્દે ચાલી રહેલા વિરોધ પ્રદર્શનોની (Political Protest Students) વચ્ચે સામે આવ્યો હતો. CJP અને ડાબેરી પક્ષો સાથે જોડાયેલા વિદ્યાર્થી સંગઠનો NEET મુદ્દે પોતાનો વિરોધ વ્યક્ત કરી રહ્યા હતા. વિરોધ અને રાજકીય ચર્ચા બાદ સરકારે હવે વિદ્યાર્થીઓને રાજકીય વિરોધ પ્રદર્શનોમાંથી દૂર રાખવાના અગાઉના નિર્દેશને પરત ખેંચી લીધો છે. આ નિર્ણયને સરકારના બદલાયેલા અભિગમ તરીકે જોવામાં આવી રહ્યો છે.
ઉલ્લેખનીય છે કે અગાઉ એન્ટી-NEET પ્રદર્શનો દરમિયાન વિદ્યાર્થીઓ સામે નોંધાયેલા કેટલાક પોલીસ કેસોને લઈને પણ સરકાર દ્વારા રાહતભર્યો અભિગમ અપનાવવામાં આવ્યો હોવાનું જણાવાયું હતું.
આ પણ વાંચો: તમિલનાડુમાં CM વિજયની મોટી જાહેરાતો: હેલ્થ ઈન્શ્યોરન્સ ₹25 લાખ, દૂધના ભાવમાં વધારો
આ પણ વાંચો: ત્રીજા બાળક પર પણ મહિલા કર્મચારીઓને મળશે 1 વર્ષની મેટરનિટી લીવ, તમિલનાડુ સરકારનો નિર્ણય
આ પણ વાંચો: તમિલનાડુની સીફૂડ ફેક્ટરીમાં ઝેરી એમોનિયા ગેસ લીક થતાં 7 મહિલાઓના મોત, 65 હોસ્પિટલમાં દાખલ
