Mumbai: ભારત ICC T20 વર્લ્ડ કપ 2026ની સેમિફાઇનલમાં પહોંચી ગયું છે. ટીમ ઇન્ડિયા (Team India) એ 1 માર્ચે એક રોમાંચક મેચમાં વેસ્ટ ઇન્ડીઝને પાંચ વિકેટથી હરાવીને અંતિમ ચારમાં પ્રવેશ કર્યો હતો. આ જીતનો હીરો સંજુ સેમસન હતો, જેણે 97 રનની શાનદાર અણનમ ઇનિંગ રમી હતી. તેની ઇનિંગમાં 12 ચોગ્ગા અને ચાર છગ્ગાનો સમાવેશ થતો હતો અને તેને પ્લેયર ઓફ ધ મેચ જાહેર કરવામાં આવ્યો હતો.
ટીમ ઇન્ડિયા (Team India) ગ્રુપમાં બીજા સ્થાને
ટીમ ઇન્ડિયા (Team India) ગ્રુપ 1 માં બીજા સ્થાને રહી હતી, જ્યારે દક્ષિણ આફ્રિકા ટેબલમાં ટોચ પર હતું. ભારત હવે સેમિફાઇનલમાં ગ્રુપ 2 માં ટોચ પર રહેલા ઇંગ્લેન્ડનો સામનો કરશે. પ્રથમ સેમિફાઇનલ દક્ષિણ આફ્રિકા અને ન્યુઝીલેન્ડ વચ્ચે રમાશે. બંને મેચના વિજેતાઓ 8 માર્ચે અમદાવાદના નરેન્દ્ર મોદી સ્ટેડિયમ ખાતે ફાઇનલ રમશે.
IND vs ENG મેચ ક્યારે અને કયા સમયે રમાશે?
ભારત અને ઇંગ્લેન્ડ વચ્ચે બીજી સેમિફાઇનલઆજે રમાશે. મેચ ભારતીય સમય મુજબ સાંજે 7 વાગ્યે શરૂ થશે, ટોસ સાંજે 6:30 વાગ્યે થશે. આ મેચ ખૂબ જ હાઇ-વોલ્ટેજ મેચ માનવામાં આવે છે, કારણ કે બંને ટીમો સતત ત્રીજી વખત T20 વર્લ્ડ કપ સેમિફાઇનલમાં એકબીજા સામે આવી રહી છે.
IND vs ENG મેચ ક્યાં રમાશે?
આ મહત્વપૂર્ણ સેમિફાઇનલ મુંબઈના ઐતિહાસિક વાનખેડે સ્ટેડિયમ ખાતે રમાશે. આ મેદાનમાં મોટી મેચોનો લાંબો ઇતિહાસ છે, અને ચાહકો ફરી એકવાર રોમાંચક ક્રિકેટની અપેક્ષા રાખી રહ્યા છે.
IND vs ENG મેચ લાઇવ ક્યાં જોવી?
ભારત vs ઇંગ્લેન્ડ સેમિફાઇનલ સ્ટાર સ્પોર્ટ્સ નેટવર્ક પર લાઇવ પ્રસારિત કરવામાં આવશે. ઓનલાઇન દર્શકો Jio Hotstar એપ અને વેબસાઇટ પર મેચ લાઇવ જોઈ શકે છે.
બંને ટીમ
ભારત: સૂર્યકુમાર યાદવ (કેપ્ટન), સંજુ સેમસન, અક્ષર પટેલ, કુલદીપ યાદવ, હાર્દિક પંડ્યા, જસપ્રીત બુમરાહ, ઇશાન કિશન, રિંકુ સિંહ, મોહમ્મદ સિરાજ, વોશિંગ્ટન સુંદર, શિવમ દુબે, અભિષેક શર્મા, વરુણ ચક્રવર્તી, અર્શદીપ સિંહ અને તિલક વર્મા.
ઈંગ્લેન્ડ: હેરી બ્રુક (કેપ્ટન), રેહાન અહેમદ, જોફ્રા આર્ચર, ટોમ બેન્ટન, જેકબ બેથેલ, જોસ બટલર, સેમ કુરન, લિયામ ડોસન, બેન ડકેટ, વિલ જેક્સ, જેમી ઓવરટન, આદિલ રશીદ, ફિલ સોલ્ટ, જોશ ટંગ અને લ્યુક વુડ.
