Prize Money Alert: T20 વર્લ્ડ કપ 2026 ને લઈને ક્રિકેટ પ્રેમીઓમાં ભારે ઉત્સાહ છે. આ વખતે ટૂર્નામેન્ટમાં માત્ર ટ્રોફી જ નહીં, પરંતુ ખેલાડીઓ અને ટીમો (Team) પર કરોડો રૂપિયાના ઈનામોનો વરસાદ થવાનો છે. ICC (ઈન્ટરનેશનલ ક્રિકેટ કાઉન્સિલ) દ્વારા આ વર્ષના વર્લ્ડ કપ માટે રેકોર્ડબ્રેક પ્રાઈઝ મનીની જાહેરાત કરવામાં આવી છે. વિજેતા ટીમથી લઈને સેમીફાઈનલ સુધી પહોંચનારી તમામ ટીમોને માતબર રકમ આપવામાં આવશે. કેટલી મળશે પ્રાઈઝ મની?
ચેમ્પિયન ટીમ (Winner Team):
વર્લ્ડ કપની ફાઈનલ જીતનારી ટીમને અંદાજે 20 કરોડથી વધુ (અંદાજિત રકમ ડોલરમાં ફેરફાર મુજબ) ની પ્રાઈઝ મની મળશે. આ સાથે જ ચમકતી વર્લ્ડ કપ ટ્રોફી પણ તેમના નામે થશે. આ રકમ ગયા વર્ષની સરખામણીએ ઘણી વધારે છે. આ રકમની સાથે વિજેતા ટીમના ખેલાડીઓને ગોલ્ડ મેડલ અને ચમકતી વર્લ્ડ કપ ટ્રોફી પણ એનાયત કરવામાં આવશે.
રનર-અપ ટીમ (Runner-up):
ફાઈનલમાં હારનારી એટલે કે ઉપવિજેતા ટીમને પણ નિરાશ થવાની જરૂર નથી. તેમને અંદાજે 10 થી 11 કરોડ રૂપિયા ઈનામ પેટે આપવામાં આવશે.આ રકમ દર્શાવે છે કે ફાઈનલ સુધી પહોંચવું પણ આર્થિક રીતે કેટલું ફાયદાકારક છે.
સેમીફાઈનલ રમનારી ટીમો:
જે બે ટીમો સેમીફાઈનલમાં હારી જશે તેમને પણ ICC તરફથી મોટી રકમ મળશે. દરેક સેમીફાઈનલિસ્ટ ટીમને અંદાજે 6 થી 7 કરોડ રૂપિયા ફાળવવામાં આવશે. એટલે કે ટોપ-4 માં સ્થાન મેળવવું પણ ટીમો માટે કરોડોની કમાણી કરાવનારું સાબિત થશે.
સુપર-8 અને ગ્રુપ સ્ટેજ:
માત્ર ટોપ ટીમો જ નહીં, પરંતુ સુપર-8 રાઉન્ડ સુધી પહોંચનારી ટીમોને (Team) પણ કરોડોમાં રકમ મળશે. આ ઉપરાંત, ગ્રુપ સ્ટેજની દરેક મેચ જીતવા પર પણ ટીમોને (Team) બોનસ રકમ આપવામાં આવશે.આ દરેક ટીમને અંદાજે 3.2 કરોડ રૂપિયા (3,82,500 ડોલર) ની રકમ ઈનામ પેટે મળશે.
ક્રિકેટ ઈતિહાસનો સૌથી મોંઘો વર્લ્ડ કપ
ICC એ આ વખતે કુલ પ્રાઈઝ પૂલ (Total Prize Pool) માં નોંધપાત્ર વધારો કર્યો છે. આનું મુખ્ય કારણ ક્રિકેટની વધતી જતી લોકપ્રિયતા અને સ્પોન્સરશિપમાં થયેલો વધારો છે. ભારત અને શ્રીલંકામાં યોજાઈ રહેલા આ વર્લ્ડ કપમાં આર્થિક પાસું પણ એટલું જ મજબૂત જોવા મળી રહ્યું છે.
T20 વર્લ્ડ કપ 2026 માત્ર રમતની દ્રષ્ટિએ જ નહીં, પણ આર્થિક દ્રષ્ટિએ પણ ટીમો (Team) માટે ખૂબ જ મહત્વનો છે. મેદાન પર પરસેવો પાડનારા ખેલાડીઓ માટે આ પ્રાઈઝ મની તેમના ઉત્સાહમાં વધારો કરશે. હવે જોવાનું એ રહેશે કે કઈ ટીમ (Team) આ કરોડોની રકમ અને ટ્રોફી પોતાના ઘરે લઈ જાય છે!
જે ટીમો 9માં થી 12માં ક્રમે રહેશે તેમને અંદાજે 2 કરોડ રૂપિયા મળશે. જે ટીમો 13માં થી 20માં ક્રમે રહેશે તેમને અંદાજે 1.8 કરોડ રૂપિયા આપવામાં આવશે. સૌથી મહત્વની વાત એ છે કે, સેમીફાઈનલ અને ફાઈનલ સિવાયની દરેક મેચ જીતવા બદલ ટીમને વધારાના 26 લાખ રૂપિયા (31,154 ડોલર) બોનસ તરીકે મળશે.
શા માટે આટલી મોટી રકમ? ICC આ વખતે કુલ 93.5 કરોડ રૂપિયા (11.25 મિલિયન ડોલર) નું વિતરણ કરવા જઈ રહ્યું છે. આટલી મોટી પ્રાઈઝ મની પાછળનું મુખ્ય કારણ બ્રોડકાસ્ટિંગ રાઈટ્સ, સ્પોન્સરશિપમાં થયેલો તોતિંગ વધારો અને T20 ફોર્મેટની વધતી જતી વૈશ્વિક લોકપ્રિયતા છે.
T20 વર્લ્ડ કપ 2026 એ ખેલાડીઓ માટે માત્ર પ્રતિષ્ઠાનો જ નહીં પણ આર્થિક સમૃદ્ધિનો પણ માર્ગ છે. ભારત જેવી ટીમો માટે આ ટાઈટલ જીતવું એટલે માત્ર કરોડો ચાહકોના દિલ જીતવા જ નહીં, પણ ભારતીય ક્રિકેટ બોર્ડના ખજાનામાં વધુ એક મોટું ઈનામ ઉમેરવા સમાન હશે.
