Ahmedabad News : વાઈરલ થયેલા વીડિયોમાં સ્પષ્ટ જોવા મળે છે કે, લુખ્ખાઓ બેફામપણે તલવાર ફેરવી રહ્યા છે અને પોલીસને ધમકાવી રહ્યા છે. આ ઘટના બાદ પોલીસે ઝડપથી કાર્યવાહી કરીને કેટલાક આરોપીઓની ધરપકડ કરી છે. સાથે જ, આ ઘટનામાં નિષ્ક્રિય રહેલા પોલીસ કર્મચારીઓ સામે પણ કાર્યવાહી કરવામાં આવી છે. રખિયાલ(Rakhiyal)માં પોલીસની હાજરીમાં લુખ્ખા તત્ત્વોની દાદાગીરીનો વીડિયો વાઈરલ થઈ રહ્યો છે.
વીડિયોમાં જોવા મળે છે કે, એક શખ્સ પોતાના હાથમાં તલવાર રાખીને રોડ પર ખૌફ દેખાડી રહ્યો છે. જેની સાથે અન્ય એક શખસ પણ હથિયાર સાથે જોવા મળી રહ્યો છે. અસામાજિક તત્વો પોલીસને ધમકાવે છે કે, ‘બહોત મારુંગા સાહેબ’ તેમ છતાં પોલીસ ચૂપચાપ બધુ જોતી રહે છે.
આ મામલે અમદાવાદ ડીસીપી(DCP) રવિ મોહન સૈની(Ravi Mohan Saini)એ કહ્યું કે, ‘જૂની અદાવતમાં 6 આરોપીઓએ આતંક મચાવ્યો હતો. મુખ્ય 2 આરોપીઓને ઝડપી પાડવામાં આવ્યા છે. જેમાં રામોલથી ફઝલ શેખ(Fazal Shaikh) નામના આરોપીની પોલીસે ધરપકડ કરી છે. આ સિવાય અલ્તાફ(Altaf) નામના આરોપીની પણ ધરપકડ કરાઈ ચૂકી છે. જ્યારે 4 આરોપીઓને પકડવા માટે સ્થાનિક પોલીસ અને એલસીબી(LCB)એ શોધખોળ હાથ ધરી છે. બીજી તરફ, પીસીઆર(PCR) વાનના બે(2) કર્મચારીઓને સસ્પેન્ડ કરાયા છે.’ ડીસીપી(DCP)એ જણાવ્યું કે, ‘આરોપી ફઝલ વિરૂદ્ધ ગંભીર ગુનાઓ નોંધાઈ ચૂક્યા છે. આરોપી અલ્તાફ સામે 6 પાસા સહિતના 16 ગુના નોંધાયેલા છે. તમામ આરોપીઓ વિરૂદ્ધ શરીર સંબંધી ગુનાઓ નોંધાયેલા છે.’
આ ઘટનાના કારણે લોકોમાં ભયનું વાતાવરણ સર્જાયું છે અને સુરક્ષા અંગે ચિંતા વધી છે. આ ઘટનાએ પોલીસની છબીને નુકસાન પહોંચાડ્યું છે. આ ઘટનાએ શહેરમાં કાયદો અને વ્યવસ્થાની સ્થિતિ અંગે ગંભીર પ્રશ્નો ઉભા કર્યા છે.
આ પણ વાંચો: અમદાવાદ 31St ની તૈયારી વચ્ચે ડ્રગ્સનો ઘટસ્ફોટ: 3.5 કરોડનો હાઇબ્રિડ ગાંજો ઝડપાયો
આ પણ વાંચો: અમદાવાદની વટવા પોલીસને મળી મોટી સફળતા, 3.60 કરોડનો હાઈબ્રિડ ગાંજો ઝડપ્યો
