તમિલનાડુ સરકારના મંત્રી પોનમુડી અને તેમની પત્નીને અપ્રમાણસર સંપત્તિના કેસમાં સુપ્રીમ કોર્ટ તરફથી આંચકો લાગ્યો છે. CJI DY ચંદ્રચુડની આગેવાની હેઠળની સુપ્રીમ કોર્ટની બેંચે મદ્રાસ હાઈકોર્ટના નિર્ણયમાં હસ્તક્ષેપ કરવાનો સ્પષ્ટ ઇનકાર કર્યો હતો. આપને જણાવી દઈએ કે હાઈકોર્ટે સુઓ મોટુ સંજ્ઞાન લીધું હતું અને પોનમુડી વિરુદ્ધ ટ્રાયલ શરૂ કરવાનો આદેશ આપ્યો હતો. સ્ટાલિન સરકારમાં ઉચ્ચ શિક્ષણ મંત્રી પોનમુડી આ આદેશ વિરુદ્ધ સુપ્રીમ કોર્ટમાં ગયા હતા.
ભગવાનનો આભાર કે અમારી પાસે …
સુપ્રીમ કોર્ટમાં સુનાવણી દરમિયાન ચીફ જસ્ટિસ ડીવાય ચંદ્રચુડે હાઈકોર્ટના નિર્ણયની પ્રશંસા કરી અને તેમાં હસ્તક્ષેપ કરવાનો સ્પષ્ટ ઈન્કાર કરી દીધો. CJIએ કહ્યું, “ભગવાનનો આભાર કે અમારી પાસે હાઈકોર્ટમાં જસ્ટિસ આનંદ વેંકટેશ જેવા જજ છે…”
શું છે સમગ્ર મામલો?
મદ્રાસ હાઈકોર્ટના ન્યાયાધીશ આનંદ વેંકટેશે ઓગસ્ટમાં તમિલનાડુ સરકારના ઉચ્ચ શિક્ષણ મંત્રી સામેના કેસની સ્વતઃ સંજ્ઞાન લીધી હતી અને કહ્યું હતું કે તેમનો કેસ વેલુપુરમ જિલ્લા ન્યાયાધીશથી વેલ્લોર જિલ્લા ન્યાયાધીશને ટ્રાન્સફર કરવો ગેરકાયદેસર હતો.
સુપ્રીમ કોર્ટમાં સુનાવણી દરમિયાન મુખ્ય ન્યાયાધીશ ચંદ્રચુડે પણ આ રીતે કેસને એક જિલ્લા ન્યાયાધીશથી બીજામાં ટ્રાન્સફર કરવા પર ચિંતા વ્યક્ત કરી હતી. CJIએ કહ્યું કે ટ્રાયલ એક જિલ્લામાંથી બીજા જિલ્લામાં ટ્રાન્સફર કરવામાં આવી હતી. આખરે આ શક્તિ ક્યાં છે? પહેલા ટ્રાયલ ટ્રાન્સફર કરવામાં આવી અને પછી નિર્દોષ છોડાવવાની ઉતાવળ હતી.
CJIએ પ્રશાંત ભૂષણની વાત ન સાંભળી
સુનાવણી દરમિયાન, અરજદારમાંથી એક તરફથી હાજર રહેલા એડવોકેટ પ્રશાંત ભૂષણે એમિકસ ક્યુરીની નિમણૂકની માંગ કરી હતી. તેના પર સુપ્રીમ કોર્ટે કહ્યું કે હાઈકોર્ટ આ મુદ્દે યોગ્ય નિર્ણય લઈ શકે છે.
આ પણ વાંચો:Assembley election 2023/મિઝોરમમાં વિધાનસભા ચૂંટણીમાં 40 બેઠકો પર થશે મતદાન
આ પણ વાંચો:assembly elections 2023/છત્તીસગઢ વિધાનસભા ચૂંટણી પ્રથમ તબક્કાના મતદાન દરમ્યાન નકસલીઓએ કર્યો IED બ્લાસ્ટ, CRPF જવાન ઘાયલ
આ પણ વાંચો:પ્રહાર/રાજસ્થાનના CM અશોક ગહલોતે ભાજપ પર કર્યા આકરા પ્રહાર
