કોઈપણ સંસ્થામાં કામ કરવા માટે શિસ્ત જરૂરી છે. ઘણીવાર ઓફિસ પહોંચવામાં મોડું થઈ જાય છે. કર્મચારીઓને ઓફિસ પહોંચવામાં મોડું ન થાય તે માટે મુંબઈની એક કંપનીના બોસે દંડ વસૂલવાનો નિયમ બનાવ્યો છે. એવર બ્યુટીના ફાઉન્ડર કૌશલ શાહે એક નિયમ બનાવ્યો હતો કે તમામ કર્મચારીઓએ 9:30 સુધીમાં ઓફિસ પહોંચી જવું પડશે. જે લોકો આમ કરવામાં નિષ્ફળ જશે તેમને 200 રૂપિયાનો દંડ ભરવો પડશે. બોસે આ નિયમ બનાવ્યો હતો, પરંતુ પોતે ઓફિસે આવવામાં 5 દિવસ મોડા પડ્યા હતા. આના પર કૌશલ શાહે પોતાને નિયમોની બહાર રાખ્યો ન હતો અને 1000 રૂપિયાનો દંડ પણ ભર્યો હતો.
કૌશલ શાહના પોતાના નિયમોનું પાલન કરવાના વલણ માટે તેમના વખાણ થઈ રહ્યા છે. કૌશલ શાહે X પર પોતાનો અનુભવ શેર કરતા લખ્યું કે આ પોલિસી મારા માટે બેકફાયર થઈ છે. તેમની આ પોસ્ટ બાદ યુઝર્સ કોમેન્ટ કરી રહ્યા છે. ઘણા લોકોએ કહ્યું કે આ દર્શાવે છે કે સમયની પાબંદી જાળવવી કેટલી મુશ્કેલ છે. ભલે તે ટોચના સ્તરની બાબત હોય. તેણે X પર લખ્યું, ‘ગયા અઠવાડિયે, ઓફિસમાં ઉત્પાદકતા વધારવા માટે, મેં એક કડક નિયમ બનાવ્યો હતો કે દરેક વ્યક્તિએ સવારે 9:30 સુધીમાં ઓફિસ પહોંચવું પડશે.’
તેણે લખ્યું, ‘નિયમમાં સામેલ છે કે જે પણ મોડું આવશે તેને 200 રૂપિયાનો દંડ ભરવો પડશે. પરંતુ હું પોતે 5મી વખત આ દંડ ભરી રહ્યો છું. તેમની આ પોસ્ટ સોશિયલ મીડિયા પર વાયરલ થઈ હતી. ઘણા લોકોએ તેના વતી દંડ ભરવાને બોસનું આદર્શ પગલું ગણાવ્યું હતું. કેટલાક લોકોએ કહ્યું કે દંડ ભરવાથી નહીં પરંતુ સમયસર આવીને દાખલો બેસાડવામાં આવે છે. એક ટિપ્પણીના જવાબમાં કૌશલ શાહે લખ્યું કે કદાચ કેટલાક લોકોએ મારી પોસ્ટને ખોટા અર્થમાં લીધી છે. આ ટ્વીટમાં મેં એ સમજાવવાનો પ્રયાસ કર્યો કે કેવી રીતે સ્થાપકોએ પોતે અને નેતાઓએ નિયમોનું પાલન કરવું જોઈએ અને પોતાને તેમનાથી દૂર ન રાખવા જોઈએ.
આ પણ વાંચો: જૂની વસ્તુઓથી ઘરને બનાવો નવું, આ રીતે મહિલાઓ ઘરને સજાવી શકે છે…
આ પણ વાંચો: હરવા-ફરવાનાં છે ઘણાં ફાયદા, લાભો જાણી નીકળી પડો Travelling પર…
