જાણીતા ફિલ્મ અભિનેતા, સીપીઆઈ (એમ) નાં નેતા બ્રિંદા કરાત અને કર્ણાટકનાં ભૂતપૂર્વ મુખ્યમંત્રી એચડી કુમારસ્વામી સહિત 15 લોકોને મારી નાખવાની ધમકીનો પત્ર મળ્યો છે. આ પત્રમાં આ લોકોને દેશદ્રોહી ગણાવ્યા છે અને જાનથી મારી નાખવાની ધમકી આપવામાં આવી છે.
પત્રમાં લખ્યું છે કે, 29 જાન્યુઆરી સુધીમાં તમારી છેલ્લી યાત્રા માટે તૈયાર રહેજો. નિજગુનંદા સ્વામીજી તમે અને તમારા લોકોએ તમારા પોતાના જ ધર્મ સાથે દગો કર્યો છે, 29 જાન્યુઆરી, 2020 નાં રોજ તમારી છેલ્લી મુલાકાત માટે તૈયાર રહો. અન્ય લોકો કે જેમના નામ આ પત્રમાં લખાયેલા છે, તેઓએ પણ તેમની અંતિમ યાત્રાની તૈયારી કરવી જોઈએ.
પત્રમાં જે અન્ય લોકોનો ઉલ્લેખ કરવામાં આવ્યો છે તેમાં બજરંગ દળનાં ભૂતપૂર્વ નેતા મહિન્દ્ર કુમાર, નિજગુનંદ સ્વામી, નિદુમમિડિ સ્વામી, જયપ્રકાશ સ્વામી, અભિનેતા ચેતન કુમાર, બીટી લલિતા નાયક, મહેશચંદ્ર ગુરુ, પ્રોફેસર ભગવાન, પૂર્વ મુખ્યમંત્રી સલાહકાર અમીન મટ્ટૂ, ચંદ્રશેખર પાટિલ અને પત્રકાર અગ્નિ શ્રીધરનો સમાવેશ થાય છે.
જેડીએસ નેતા કુમારસ્વામીએ કહ્યું કે આ મારી હત્યાનું કાવતરું છે કારણ કે તે સમાજમાં શાંતિ માટે કામ કરે છે. પરંતુ આ ધમકીઓને કારણે હું ચૂપ બેસીશ નહીં. હું જાણું છું કે આની પાછળ કોણ છે. કુમારસ્વામીએ કહ્યું કે, ભાજપ સાથે સંકળાયેલ તે સંગઠનો અન્ય સમુદાયોમાં આતંકવાદી પ્રવૃત્તિઓ વિશે વાત કરે છે પરંતુ તે તેમના પોતાના અંદર આતંકવાદી છે. આ લોકો ખૂબ જ કાળજીપૂર્વક પ્રવૃત્તિઓ કરે છે. કર્ણાટકનાં ગૃહમંત્રી બાસવારાજ બોમ્માઇએ કહ્યું કે, એચ.ડી.કુમારસ્વામીને વધારાની સુરક્ષા પૂરી પાડવામાં આવશે, અને આ મામલાની તપાસ કરવામાં આવશે.
વળી, અભિનેતા પ્રકાશ રાજે આ ધમકીભર્યા પત્રને ટ્વિટર પર શેર કર્યો છે અને લખ્યું છે કે કાયર સંગઠન તરફથી એક પત્ર. એક કાયર જૂથનો પત્ર મને ધમકી આપી રહ્યો છે. ભાજપ સરકારની ખુલ્લેઆમ ટીકા કરનારી બ્રિંદા કરાતે આ ધમકીભર્યા પત્ર પર કહ્યું છે કે આ કાયરતાથી ભરપૂર ધમકીભર્યા પત્રોથી અમારું કાર્ય ક્યારેય અટકાશે નહીં. પોલીસે આ મામલે તપાસ કરી જરૂરી કાર્યવાહી કરવી જોઇએ. આ પત્ર મળ્યા બાદ બેલગાવી મઠની સુરક્ષા વધારી દેવામાં આવી છે. જણાવી દઇએ કે નિજગુનંદા સ્વામી ઉદાર સંત તરીકે જાણીતા છે. બે વર્ષ પહેલા તેમને જાનથી મારી નાખવાની ધમકી આપવામાં આવી હતી, ત્યારબાદ બેલગાવી પોલીસે તેને સુરક્ષા પૂરી પાડી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
