London:લંડનમાં ભારતીય હાઈ કમિશનમાં એક ખૂબ જ રસપ્રદ દૃશ્ય જોવા મળ્યા. હાઈ કમિશનની ટીમે ખાલિસ્તાન તરફી દેખાવકારોને જડબાતોડ જવાબ આપ્યો છે. ખાલિસ્તાન સમર્થકો ફરીથી ભારતીય હાઈ કમિશન બિલ્ડિંગની બહાર વિરોધ પ્રદર્શન કરવા પહોંચ્યા હતા.આ દરમિયાન અધિકારીઓ હાઈ કમિશન બિલ્ડિંગની છત પર ચડી ગયા અને માનવ સાંકળ બનાવીને પહેલા કરતા મોટો ત્રિરંગો ફરકાવ્યો. આ ઘટનાનો એક વીડિયો સામે આવ્યો છે.
#WATCH | A giant Tricolour put up by the Indian High Commission team atop the High Commission building in London, UK. pic.twitter.com/YClmrfs00u
— ANI (@ANI) March 22, 2023
આ પહેલા (London) રવિવારે (19 માર્ચ), ખાલિસ્તાન તરફી વિરોધીઓએ ભારતીય હાઈ કમિશન પર લહેરાવેલા ત્રિરંગાને નીચે લાવવાનો પ્રયાસ કર્યો હતો. ભારત સરકારે આ ઘટના અંગે નવી દિલ્હીમાં બ્રિટિશ રાજદ્વારીને સમન્સ પાઠવ્યું હતું અને સ્પષ્ટ કહ્યું હતું કે આવી ઘટનાઓને સાંખી લેવામાં આવશે નહીં.બુધવારે જ્યારે ખાલિસ્તાન તરફી પ્રદર્શનકારીઓ ફરીથી વિરોધ કરવા ભારતીય હાઈ કમિશન પહોંચ્યા ત્યારે તેમને કડક સુરક્ષાનો સામનો કરવો પડ્યો હતો. કાર્યાલયની આસપાસ બેરિકેડિંગ કરવામાં આવ્યું હતું, જેના કારણે આંદોલનકારીઓ રોડ ક્રોસ કરી શક્યા ન હતા. ખાલિસ્તાન સમર્થકો રસ્તાની એક બાજુએ સૂત્રોચ્ચાર કરી રહ્યા હતા, જ્યારે હાઈ કમિશનના અધિકારીઓની ટીમે છત પરથી વિશાળ ત્રિરંગો લહેરાવીને જવાબ આપ્યો.
લંડનમાં ખાલિસ્તાન સમર્થકોના (London) પ્રદર્શનને ફરાર ‘વારિસ પંજાબ દે’ ચીફ અમૃતપાલ સિંહ સાથે જોડવામાં આવી રહ્યો છે. અમૃતપાલ સિંહ ખાલિસ્તાનનો સમર્થક છે અને 18 માર્ચે પોલીસે ભારતમાં તેની ધરપકડ કરવા માટે ઓપરેશન શરૂ કર્યું હતું. બીજા દિવસે લંડનમાં ભારતીય હાઈ કમિશનની બહાર ખાલિસ્તાન સમર્થકો જોવા મળ્યા હતા. ખાલિસ્તાન તરફી દેખાવકારોના જવાબમાં, ભારતીય સમુદાયના સભ્યો પણ મંગળવારે (21 માર્ચ) ભારતીય હાઈ કમિશન બિલ્ડિંગની બહાર એકઠા થયા હતા અને દેશભક્તિના ગીતો પર ડાન્સ કર્યો હતો
