Pahalgam Terror Attack : જમ્મુ (Jammu) અને કાશ્મીર(Kashmir)ના પહેલગામમાં થયેલા આતંકવાદી હુમલામાં ઘણા લોકો માર્યા ગયા હોવાની આશંકા છે. જોકે, સમાચાર લખાય છે ત્યાં સુધી, એક વ્યક્તિના મૃત્યુની સત્તાવાર પુષ્ટિ થઈ છે. મૃતકની ઓળખ કર્ણાટકના રહેવાસી મંજુનાથ તરીકે થઈ હોવાનો દાવો કરવામાં આવી રહ્યો છે.
મંજુનાથનો છેલ્લો વીડિયો વાયરલ થયો
અમિત આજે સાંજે શ્રીનગરમાં એક ઉચ્ચ સ્તરીય બેઠક કરી રહ્યા છે. જમ્મુ અને કાશ્મીરના મુખ્યમંત્રી ઓમર અબ્દુલ્લા, ઉપરાજ્યપાલ મનોજ સિંહા અને ઉચ્ચ સુરક્ષા અધિકારીઓએ બેઠકમાં હાજરી આપી હતી.
#WATCH | Srinagar | J&K CM Omar Abdullah briefs Union Home Minister Amit Shah over Pahalgam terrorist attack. LG Manoj Sinha and other high-level officials also present. pic.twitter.com/bxgkiVRmW0
— ANI (@ANI) April 22, 2025
આજતકે ગુજરાતથી પહેલગામ આવેલા એક પ્રવાસી સાથે વાત કરી. પ્રવાસીએ કહ્યું કે જ્યારે તે ટિકિટ કાઉન્ટર પાસે પહોંચ્યો અને 5 થી 10 મિનિટ ત્યાં બેઠો રહ્યો, ત્યારે તેણે ગોળીબારનો અવાજ સાંભળ્યો. પછી બધા દોડવા લાગ્યા. આ હુમલામાં તેમના હાથમાં ઈજા થઈ હતી.
View this post on Instagram
મંજુનાથનો એક વીડિયો સોશિયલ મીડિયા પર વાયરલ થઈ રહ્યો છે, જે તેણે હુમલાના થોડા સમય પહેલા શ્રીનગરમાં શિકારા રાઈડ દરમિયાન રેકોર્ડ કર્યો હતો. વીડિયોમાં, તે તેની પત્ની સાથે હોડીમાં બેઠો ખૂબ જ ખુશ જોવા મળે છે અને મુસાફરીના અનુભવ તેમજ ટ્રાવેલ એજન્સી અને ગાઇડની પ્રશંસા કરી રહ્યો છે.
પ્રધાનમંત્રી અને ગૃહમંત્રી તરફથી ઝડપી પ્રતિભાવ
Anguished by the terror attack on tourists in Pahalgam, Jammu and Kashmir. My thoughts are with the family members of the deceased. Those involved in this dastardly act of terror will not be spared, and we will come down heavily on the perpetrators with the harshest consequences.…
— Amit Shah (@AmitShah) April 22, 2025
પહેલગામમાં થયેલા આ આતંકવાદી હુમલા બાદ, વડા પ્રધાન નરેન્દ્ર મોદીએ ગૃહમંત્રી અમિત શાહ સાથે વાત કરી અને તેમને જમ્મુ અને કાશ્મીર જઈને પરિસ્થિતિની સમીક્ષા કરવા સૂચના આપી. ગૃહમંત્રી અમિત શાહ હવે શ્રીનગર પહોંચી ગયા છે અને તેઓ એક ઉચ્ચ સ્તરીય બેઠકમાં હાજરી આપશે તેમજ ઘાયલોને મળશે.
ગૃહમંત્રી અમિત શાહનું નિવેદન
ગૃહમંત્રી અમિત શાહે X (અગાઉનું ટ્વિટર) પર લખ્યું, “જમ્મુ અને કાશ્મીરના પહેલગામમાં પ્રવાસીઓ પર થયેલો આતંકવાદી હુમલો અત્યંત દુઃખદ છે. મારી સંવેદનાઓ મૃતકોના પરિવારો સાથે છે. આ જઘન્ય આતંકવાદી હુમલામાં સામેલ લોકોને બક્ષવામાં આવશે નહીં અને અમે ગુનેગારો સામે કડક કાર્યવાહી કરીશું. વડા પ્રધાન નરેન્દ્ર મોદીને આ ઘટના વિશે જાણ કરવામાં આવી છે. વીડિયો કોન્ફરન્સિંગ દ્વારા અધિકારીઓ સાથે સમીક્ષા બેઠક યોજાઈ છે. હું તમામ સુરક્ષા એજન્સીઓ સાથે તાત્કાલિક બેઠક માટે શ્રીનગર જઈ રહ્યો છું.”
આ હુમલા બાદ, વિસ્તારમાં સુરક્ષા વ્યવસ્થા કડક કરી દેવામાં આવી છે અને આતંકવાદીઓને શોધવા માટે સર્ચ ઓપરેશન ચાલુ છે.
આ પણ વાંચો:પહલગામમાં આતંકવાદી હુમલા બાદ પીએમ મોદીએ અમિત શાહ સાથે કરી વાત,
આ પણ વાંચો:જમ્મુ-કાશ્મીરના પહલગામમાં પ્રવાસીઓ પર હુમલો, આતંકવાદીઓએ કર્યો ગોળીબાર : એકનું મોત
આ પણ વાંચો:હત્યા સમયે કર્ણાટકના ભૂતપૂર્વ ડીજીપી ડિનર ટેબલ પર બેઠા હતા અને માછલી ખાતા હતા, તેમની પત્નીએ
