Surat News: સુરતમાં પાંચ કરોડ રૂપિયાની લૂંટનો (Loot) મામલો પોલીસે ગણતરીના કલાકોમાંઉકેલી નાખ્યો છે. તેણે પાંચ લૂંટારુઓને વલસાડ (Valsad) જિલ્લામાંથી ઝડપ્યા છે. આરોપીઓ પાસેથી રૂ. 4.54 કરોડ કબ્જે કરવામાં આવ્યા છે. વલસાડ એલસીબી અને એસઓજી પોલીસની કાર્યાહી કરવામાંઆવી છે. પારડી-પલસાણા નજીકથી બે આરોપી ઝડપવામાં આવ્યા છે. બાકીના ત્રણ આરોપીઓ ભિલાડ નજીકથી ઝડપાયા છે.
લૂંટનો કરોડોના મુદ્દામાલ પણ મળ્યો છે. લૂંટ થયાના ગણતરીના કલાકોમાં આરોપીને ઝડપી લેવાયા છે. આમ આરોપીઓ લૂંટનો માલ ઠેકાણે પાડે તે પહેલા પોલીસે તેમની ધરપકડ કરી લીધી છે. તેના લીધે તેઓને લૂંટના માલનો નિકાલ કરવામાં નિષ્ફળતા મળી છે.
સુરતમાં વેપારી (Trader) સાથે રૂ.5 કરોડની લૂંટની ઘટના પ્રકાશમાં આવી છે. સુરતના અડાજણ વિસ્તારમાં આવેલી નવયુગ સોસાયટી પાસે પરિવાર સાથે રહેતા હરીશભાઈ નામના શખ્સે કાળા નાણાને સફેદમાં ફેરવવાની કોશિશ કરતા લૂંટ થઈ હતી. હરીશભાઈ પાસે છેલ્લા છ મહિનાથી પાંચ કરોડ કાળા રૂપિયા પડ્યા હતા અને આ નાણાંને સફેદ કરવા માટે તે સફેદ નાણાની આરટીજીએસ એન્ટ્રી માટે જુદા જુદા લોકોનો સંપર્ક કરતા હતા. ત્યારબાદ થોડા દિવસો પહેલા તે મુંબઈના કેટલાક લોકોના સંપર્કમાં આવ્યો હતો અને બંનેએ 5 કરોડની રોકડના બદલામાં રૂ.5 કરોડમાં આરટીજીએસ એન્ટ્રીનો સોદો કર્યો હતો.
આ સોદામાં વચેટિયા તરીકે શ્રીકાંત નામના વ્યક્તિની ભૂમિકા હોવાનું બહાર આવ્યું હતું. મુંબઈથી લોકો હરીશભાઈ પાસે પહોંચ્યા હતા અને તેમની પાસેથી રોકડ રકમ લઈને તેમની ઈનોવા કારમાં રાખી હતી. લૂંટારૂ એટલો હોશિયાર હતો કે તેણે આ તમામ રકમ સીસીટીવી કેમેરામાં કેદ ન થાય તે માટે હરીશભાઈના ઘર પાસેના રોડ પર તેની ઈનોવા કારમાં રાખી હતી. ત્યારબાદ હરીશભાઈ ઈનોવા કાર અને પૈસા લઈને ફરાર થઈ ગયા હતા.
આ ઘટના બાદ હરીશભાઈએ તાત્કાલિક પોલીસનો સંપર્ક કરતા રાંદેર પોલીસની ટીમ ઘટના સ્થળે પહોંચી હતી. રાંદેર પોલીસ સ્ટેશનના પોલીસ ઈન્સ્પેક્ટર ઉપરાંત એસીપી અને ડીસીપી સહિતના અધિકારીઓનો કાફલો ઘટના સ્થળે પહોંચી ગયો હતો. પોલીસ તપાસમાં વેપારી હરીશભાઈના ઘરની નીચે લગાવેલા સીસીટીવી કેમેરામાં વચેટિયા કેદ થયા હોવાનું બહાર આવ્યું હતું. આ ઉપરાંત જે કારમાં પૈસા લેવામાં આવી રહ્યા છે તે પણ રોડ પર લાગેલા સીસીટીવી કેમેરામાં કેદ થઈ ગયા છે.
બીજી તરફ, આ કેસમાં વળાંક એ છે કે વચેટિયાની ભૂમિકા ભજવી રહેલા શ્રીકાંતે ફોન પર સંપર્ક કરીને માહિતી આપી હતી કે જે લોકોએ પૈસા લીધા હતા તેઓ તેને હાઇવે પર અધવચ્ચે છોડી ગયા હતા. ત્યારે પોલીસ હવે આ સમગ્ર મામલે શ્રીકાંત નામના વ્યક્તિની પણ રાહ જોઈ રહી છે કારણ કે શ્રીકાંત અમીર હતો અને પૈસા લેનારા લોકોને તે ઓળખતો હતો, હવે શ્રીકાંતની પૂછપરછ બાદ આ કેસમાં વધુ ખુલાસા થાય તેવી શક્યતાઓ છે.
આ પણ વાંચો: મોબાઈલ લૂંટારુંઓને આખી જિંદગી યાદ રહેશે સુરતની આ ઘટના! જાહેરમાં પોલીસે કર્યું એવું કામ કે…
આ પણ વાંચો: સુરતમાં ઈન્કમટેક્સ ઓફિસર તરીકે ઓળખ આપીને વેપારી પાસેથી 8 કરોડ રૂપિયાની લૂંટ
આ પણ વાંચો: સુરતમાં લૂંટ વિથ મર્ડર, 50 વર્ષીય મહિલાની ચપ્પુના ઘા મારી કરી હત્યા
