Ahmedabad News : અમદાવાદ શહેરના પોલીસ કમિશનર જી.એસ. મલિક દ્વારા આ બદલીનો આદેશ જારી કરવામાં આવ્યો છે. શહેર પોલીસના 38 પોલીસકર્મીઓની આંતરિક બદલીનો આદેશ કરવામાં આવ્યો છે. પામેલા પોલીસકર્મીઓમાં કોન્સ્ટેબલ અને હેડ કોન્સ્ટેબલ કક્ષાના કર્મચારીઓનો સમાવેશ થાય છે.
આ બદલીઓમાં ખાસ વાત એ છે કે તમામ 38 પોલીસકર્મીઓને ક્રાઈમ બ્રાન્ચ અને ટ્રાફિક વિભાગ જેવા મહત્વના વિભાગોમાં નિયુક્ત કરવામાં આવ્યા છે. શહેરની કાયદો અને વ્યવસ્થાની સ્થિતિને વધુ સુદૃઢ બનાવવાના ભાગરૂપે આ નિર્ણય લેવામાં આવ્યો હોવાનું માનવામાં આવે છે. ક્રાઈમ બ્રાન્ચમાં પોલીસકર્મીઓની નિમણૂક થવાથી ગુનાખોરી પર અંકુશ મેળવવામાં મદદ મળશે, જ્યારે ટ્રાફિક વિભાગમાં નવી નિમણૂકોથી શહેરના ટ્રાફિક વ્યવસ્થાપનને વધુ સારી રીતે સંચાલિત કરી શકાશે.
પોલીસ કમિશનર જી.એસ. મલિકે આ બદલી અંગે કોઈ વિશેષ નિવેદન આપ્યું નથી, પરંતુ માનવામાં આવે છે કે આ એક સામાન્ય પ્રક્રિયાનો ભાગ છે, જેના દ્વારા પોલીસ કર્મચારીઓની કાર્યક્ષમતાને જુદા જુદા ક્ષેત્રોમાં ઉપયોગમાં લઇ શકાય. આ બદલીઓ તાત્કાલિક અસરથી લાગુ કરવામાં આવી છે અને તમામ બદલી પામેલા પોલીસકર્મીઓને તેમના નવા કાર્યસ્થળે તાત્કાલિક હાજર થવાનો આદેશ આપવામાં આવ્યો છે.
શહેર પોલીસમાં આ બદલીઓ શહેરની સુરક્ષા અને વ્યવસ્થા જાળવવા માટે એક મહત્વપૂર્ણ પગલું સાબિત થઈ શકે છે. ક્રાઈમ અને ટ્રાફિક જેવા સંવેદનશીલ વિભાગોમાં અનુભવી અને સક્ષમ કર્મચારીઓની નિમણૂકથી શહેરના નાગરિકોને વધુ સુરક્ષિત અને સુવિધાજનક વાતાવરણ મળી રહેશે તેવી અપેક્ષા રાખવામાં આવે છે.
અગાઉ, હાઈકોર્ટના ટ્રાફિક નિયમન આદેશ બાદ અમદાવાદ પોલીસ કમિશનરે બોલાવ્યો સપાટો: 440 પોલીસ કોન્સ્ટેબલ અને હેડ કોન્સ્ટેબલની આંતરિક બદલી કરવામાં આવી હતી. અમદાવાદ પોલીસની કામગીરી સામે ગંભીર સવાલો ઉઠ્યા હતા. આ ઘટનાને પગલે રાજ્યના પોલીસ વડાએ સમગ્ર રાજ્યમાં ગુનેગારોનું લિસ્ટ તૈયાર કરાવી તેમની સામે કડક કાર્યવાહી શરૂ કરી છે. તે જ સમયે પોલીસબેડામાં મોટાપાયે આંતરિક બદલી કરાવામાં આવી હતી.
આ પણ વાંચો: 61 પોલીસ કોન્સટેબલની કરાઈ બદલી, પોલીસ કમિશનર G. S. મલિકે કર્યો આદેશ
આ પણ વાંચો: અમદાવાદના પોલીસ કમિશનરનો સપાટો : 19 વહાવટદારોની “કે કંપનીમાં”બદલી
