ICC વર્લ્ડ કપ 2023ની 9મી મેચમાં ભારતે અફઘાનિસ્તાન સામે શાનદાર જીત મેળવી હતી. પ્રથમ બેટિંગ કરતા અફઘાનિસ્તાને ભારતને 8 વિકેટ ગુમાવીને 273 રનનો ટાર્ગેટ આપ્યો હતો, જેને ભારતે રોહિત શર્માની ઝડપી સદીની મદદથી 35 ઓવરમાં 2 વિકેટ ગુમાવીને હાંસલ કરી લીધો હતો. એક તરફ, ગ્રાઉન્ડની ચારે બાજુ કેપ્ટન રોહિતના મોટા શોટ જોવા મળ્યા, તો બીજી તરફ સ્ટેડિયમમાં હાજર કેટલાક દર્શકો વચ્ચે જોરદાર લડાઈ પણ જોવા મળી.
દિલ્હીના અરુણ જેટલી સ્ટેડિયમમાં દર્શકો તરફથી ભારે હોબાળો જોવા મળ્યો હતો. આ દરમિયાન સોશિયલ મીડિયા પર એક વીડિયો પણ વાયરલ થયો હતો, જેમાં યુવાનોના બે જૂથ વચ્ચે જોરદાર લડાઈ જોવા મળી હતી. લડાઈ દરમિયાન છોકરાઓ એકબીજાને થપ્પડ મારતા જોવા મળ્યા હતા. વાયરલ થયેલા 55 સેકન્ડના વીડિયોમાં તમે જોઈ શકો છો કે કેવી રીતે કેટલાક યુવાનોઓ એકબીજાની વચ્ચે લડે છે. જોકે આ બાબતની માહિતી મળી શકી નથી, પરંતુ દર્શકો અને રોહિતના ચોગ્ગા-છગ્ગા વચ્ચેની પરસ્પર લડાઈનો વીડિયો સોશિયલ મીડિયા પર વાયરલ થઈ રહ્યો છે.
ઉલ્લેખનિય છે કે, ભારતે અફઘાનિસ્તાનને હરાવીને સતત બીજી જીત નોંધાવી હતી. રોહિતે 84 બોલમાં 16 ચોગ્ગા અને પાંચ છગ્ગાની મદદથી 131 રન બનાવવા ઉપરાંત ઈશાન કિશન (47) સાથે પ્રથમ વિકેટ માટે 112 બોલમાં 156 રન અને વિરાટ કોહલી (55 અણનમ) સાથે બીજી વિકેટ માટે 42 બોલમાં 49 રનની ભાગીદારી કરી હતી. કોહલીએ શ્રેયસ અય્યર (અણનમ 25) સાથે 56 બોલમાં 68 રનની અતૂટ ભાગીદારી કરીને ટીમને જીત અપાવી હતી. ભારતે અફઘાનિસ્તાનને આઠ વિકેટે 272 રનમાં રોકીને 35 ઓવરમાં બે વિકેટ ગુમાવીને લક્ષ્યાંક હાંસલ કર્યો હતો.
આ પણ વાંચો: Virat Record/ વિરાટ કોહલીએ વર્લ્ડ કપમાં ઈતિહાસ રચ્યો, જાણો કોના રેકોર્ડ તોડ્યા
આ પણ વાંચો: Israel Hamas War/ હમાસ વિરુદ્ધ ઈઝરાયલનો નવો પ્લાન! ‘વોર કેબિનેટ’ બનાવવાની જાહેરાત
આ પણ વાંચો: Explainer/ ‘ટ્રેનની ફુલ સ્પીડ, સિગ્નલમાં ભૂલ’… ટ્રેન પાટા પરથી કેમ ઉતરે છે?
