Jharkhand: ઝારખંડના કોડરમામાં હોટલ સંચાલક અને તેના પાર્ટનરની ગોળી મારીને હત્યા કરવામાં આવી હતી. આ ઘટના બાદ વિસ્તારમાં ભયનો માહોલ ફેલાયો હતો. ઘટનાની જાણ થતા પોલીસે ઘટના સ્થળે પહોંચી તપાસ હાથ ધરી હતી. પોલીસે મૃતદેહનો કબજો લઈ મામલાની તપાસ શરૂ કરી છે.
મળતી માહિતી મુજબ, આ મામલો કોડરમા પોલીસ સ્ટેશન વિસ્તારના બાગીટાંડ પાસે આવેલી શાંતિ મોટેલ રેસ્ટોરન્ટનો છે. સ્થાનિક લોકોનું કહેવું છે કે સાંજે 5 વાગ્યે ચાર યુવકો કારમાં શાંતિ મોટેલ રેસ્ટોરન્ટમાં ભોજન લેવા પહોંચ્યા હતા. તે યુવકોએ દારૂ પણ પીધો હતો.
ખાધા-પીધા બાદ જ્યારે હોટલનું બિલ આવ્યું ત્યારે યુવકે હોટલ સંચાલક સાથે પૈસા ભરવા બાબતે બોલાચાલી શરૂ કરી હતી. લાંબી ચર્ચા બાદ મામલો થાળે પડ્યો હતો. દારૂ પીધા બાદ અને હોટલમાં ખાવાનું ખાધા બાદ પૈસા માગતા હોટલ સંચાલક અને તેના પાર્ટનરને ગોળી વાગી અને બંનેના મોત નિપજ્યા છે. આ પછી ચારેય યુવકો ત્યાંથી ચાલ્યા ગયા હતા. રાત્રે સાડા આઠ વાગ્યાના સુમારે ત્રણેય યુવકો ફરી હોટલમાં આવ્યા અને અંધાધૂંધ ફાયરિંગ શરૂ કરી દીધું. આ દરમિયાન હોટલ સંચાલક રાજન અને તેના પાર્ટનર નસીમને ગોળી વાગી હતી. ગોળી વાગવાથી બંનેનું ઘટનાસ્થળે જ મોત નીપજ્યું હતું.
ઘટનાની જાણ થતા પોલીસ ઘટના સ્થળે પહોંચી હતી અને તપાસ હાથ ધરી હતી. પોલીસે મૃતદેહનો કબજો લઈ મામલાની તપાસ શરૂ કરી છે. આરોપીઓ બિહારના હોવાનું કહેવાય છે. પોલીસે તેમની શોધખોળ શરૂ કરી છે. ઘટના બાદ રાંચી-પટના મુખ્ય માર્ગ પર લાંબા સમય સુધી જામ થઈ ગયો હતો. લોકોનું કહેવું છે કે હોટલની અંદર અને બહાર સીસીટીવી કેમેરા લગાવવામાં આવ્યા છે, જેના આધારે ફાયરિંગ કરનારા લોકોની ઓળખ કરી શકાય છે.
આ પણ વાંચો: કેન્દ્રીય ગૃહમંત્રી અમિત શાહ ચોમાસામાં પૂરને પહોંચી વળવા તૈયારીઓની કરશે સમીક્ષા
આ પણ વાંચો: NEET UG Exam: ગ્રેસમાર્ક્સ મેળવનારા વિદ્યાર્થીઓ આજે આપશે પરીક્ષા
આ પણ વાંચો: PMના સલાહકાર બની કાશ્મીરાએ 82 લાખની ઠગાઈ કરી, કેવી રીતે છેતરપિંડી કરી? જાણો સમગ્ર મામલો
