બાળકોનું ભવિષ્ય કઈ દિશામાં જઈ રહ્યું છે, ભણવાની અને રમવાની ઉમરમાં તેઓ પાસે કામ કરાવવામાં આવી રહ્યું છે. તાજેતરમાં જ એક વિડીયો વાયરલ થયો છે જે બાદ આ વાત સામે આવી હતી, તમને જણાવી દઈએ કે અમદાવાદના એક વિસ્તારમાંથી પ્રાથમિક શાળામાં બાળકો પાસેથી શિક્ષકો સાફ સફાઈ કરાવી રહ્યા છે.
અમદાવાદમાં ગુજરાતી શાળા નંબર 1 નો આ વિડીયો વાયરલ થયો છે. જેમાં શાળાએ ભણવા જતા ભુલકાઓને શિક્ષણને બદલે સફાઈ કરવાનો વારો આવ્યો છે. આ વિડીયોમાં બાળકો શાળાની સફાઈ કરતા નજરે પડી રહ્યા છે. સરકાર પાસેથી એક હજાર કરોડનું બજેટ મેળવી બેઠેલા સંચાલકો બાળકો પાસે સફાઈ કરાવે છે. શહેરના કોઈ જાગૃત નાગરિકે સોશિયલ મિડીયામાં આ વિડીયો વાયરલ કર્યો છે. બાળકોના ભવિષ્ય સાથે પણ ચેડા થઈ રહ્યા હોય તેવું આ વિડીયોમાં સાફ દેખાઈ રહ્યું છે.
આ વીડિયો વાયરલ થતાં સાથે જ જિલ્લા શિક્ષણ આલમમાં ચકચાર મચી છે. શાળામાં બાળકો ભણવા જતાં હોય છે અને ત્યાં ભણી ગણીને પોતાનું ભવિષ્ય બનાવતા હોય છે. પણ જો શિક્ષકો જ બાળકોને શિક્ષણ આપવાને બદલે સાફસફાઈ કરાવે ત્યારે આ શિક્ષણ ક્યાં જઈને અટકશે. તેનો બોલતો પુરાવો વાયરલ થયેલા વીડિયો દ્વારા જોવા મળી રહ્યો છે.
આ પણ વાંચો :Ress Code For Temple/ ઉત્તરાખંડના ત્રણ મંદિરોમાં મહિલાઓ અને છોકરીઓ માટે લાગુ કરાયો ડ્રેસ કોડ
આ પણ વાંચો : Gujarat Weather/ ગુજરાતમાં ફરી બગડશે હવામાન, આગામી 24 કલાકમાં લોપ્રેશર બનશે ડિપ્રેશન
