દુનિયાભરની ઓટોમોબાઈલ કંપનીઓ વચ્ચે નંબર 1 બનવાની રેસ હંમેશા લાગી રહે છે. જેને લઇને દરરોજ ઓટોમોબાઈલ ઉદ્યોગ નવા રેકોર્ડ લક્ષ્યો બનાવી રહ્યો છે. કાર કંપનીઓ કાર ચાહકો માટે હાઇ સ્પીડ કાર લોન્ચ કરી રહી છે. ગતિનાં શોખીન લોકો માટે હવે ઓટો માર્કેટમાં એક કરતા વધુ હાઇ સ્પીડ કાર ઉપલબ્ધ છે. જે હવા કરતા વધુ ઝડપથી દોડી શકે છે. જો કે આ ખરીદવા માટે તમારે ભારે કિંમત ચૂકવવી પડશે. ગતિની વાત કરીએ તો આ તોફાન કરતા પણ ઝડપી રસ્તાઓ પર દોડી શકે છે. વિશ્વમાં ઘણી હાઇસ્પીડ કારો છે, જેની ગતિ તમારી અને અમારી વિચારશક્તિ કરતા ઘણી ફાસ્ટ છે. તો ચાલો જાણીએ વિશ્વની સૌથી ઝડપી કારો વિશે.

Bugatti Chiron

વિશ્વની સૌથી ફાસ્ટ કાર બુગાટી ચિરોન સુપર સ્પોર્ટ 300+ છે. તેની મહત્તમ ગતિ 463 કિમી / કલાક છે. શક્તિશાળી કાર 8.0-લિટર, ક્વાડ-ટર્બોચાર્જ્ડ ડબલ્યુ 16 એન્જિન દ્વારા સંચાલિત છે, જે 0 થી 100 કિમી પ્રતિ કલાકની ઝડપ ફક્ત 2.4 સેકન્ડમા જ લઇ લે છે. તેની પ્રારંભિક કિંમત 19 કરોડ રૂપિયા છે.

Hennessey Venom F5

 આ શક્તિશાળી કારની મહત્તમ ગતિ 484 કિમી/કલાકની છે. કંપનીએ આ કારમાં ટ્વીન ટર્બોચાર્જ્ડ વી 8 એન્જિન સજ્જ કર્યું છે. જે 1600 બીએચપીની શક્તિ આપે છે. 0 થી 400 કિમી/કલાક સુધી પહોંચવામાં તે ફક્ત 30 સેકંડનો સમય લેશે. કંપની આ કારનાં 24 યુનિટ વિશ્વભરમાં વેચશે. આ શક્તિશાળી કારની કિંમત 10 કરોડ રૂપિયા છે.

Bugatti Veyron Super sport

જ્યારે ફોક્સવેગને બુગાટી બ્રાન્ડને ખરીદી, ત્યારે તેનું એક લક્ષ્ય વિશ્વની સૌથી ફાસ્ટ કાર બનાવવાનું હતું. તેના લક્ષ્ય મુજબ, અસલ વેરોન પણ તેને પ્રાપ્ત કરી શક્યો. ઓટોમોબાઇલ્સનાં ક્ષેત્રમાં સૌથી ફાસ્ટ કાર, બુગાટી વેરોન સુપર સ્પોર્ટ શરૂ કરી. જે તેની ગતિ સાથે વિશ્વની બીજી સૌથી ફાસ્ટ કાર છે. આ કારની મહત્તમ ગતિ 431 કિમી/કલાકની છે. જેમાં 1,000 એચપી ક્વાડ-ટર્બોચાર્જ્ડ ડબલ્યુ 16 એન્જિન છે. તેની શરૂઆતી કિંમત 12 કરોડ રૂપિયા છે.

Koenigsegg Agera RS

આ કારે નવેમ્બર 2017 માં સત્તાવાર રીતે 278mph (444.6 kmph) ની ટોચની ગતિ ગિનીઝ બુક ઓફ વર્લ્ડ રેકોર્ડમાં બનાવી. આ કાર 5.0 લિટરનાં ટ્વીન ટર્બો વી 8 એન્જિનથી સજ્જ છે જે 1160 એચપી પાવર જનરેટ કરે છે. તેની શરૂઆતી કિંમત 12 કરોડ રૂપિયા છે.

SSC Ultimate Aero

વિશ્વની સૌથી ફાસ્ટ કાર વર્ષ 2006 માં લોન્ચ કરવામાં આવી હતી. આ કારમાં 6.4-લિટર ટ્વીન ટર્બોચાર્જ્ડ વી 8 એન્જિન આપવામાં આવ્યું છે જે 1183 બીએચપી અને 1483 એનએમ ટોર્ક જનરેટ કરવામાં સક્ષમ છે. તેની મહત્તમ ગતિ 413 કિમી / કલાક છે. તેની કિંમત 13.57 કરોડ રૂપિયા છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.