જ્યારે તમે ઝડપી અને મોંઘી સ્પોર્ટ્સ કાર વિશે વાત કરો છો, ત્યારે મોટાભાગના લોકોના મગજમાં પહેલું નામ આવે છે તે છે Ferrari. જો કે તમામ ફરારી ખાસ છે, પરંતુ કેટલીક ફરારી કાર દુર્લભ છે, જેણે ઈતિહાસમાં એવા રેકોર્ડ બનાવ્યા છે, જેને તોડવો ખૂબ જ મુશ્કેલ છે. આ જ પ્રકારનું મોડલ હવે હરાજીમાં 51.7 મિલિયન ડોલર (430 કરોડ રૂપિયાથી વધુ)માં વેચવામાં આવ્યું છે, જે વિશ્વની સૌથી મોંઘી ફરારી કાર બની ગઈ છે. આ 1962ની ફેરારી 250 જીટીઓ છે.

ન બની શકી દુનિયાની સૌથી મોંઘી કાર 

 હરાજી પહેલા એવી ધારણા હતી કે આ 60 વર્ષથી વધુ જૂની Ferrari 250 GTO દુનિયાની સૌથી મોંઘી કાર બની શકે છે પરંતુ એવું થયું નહીં. તે વિશ્વની બીજી સૌથી મોંઘી કાર બની ગઈ છે કારણ કે પ્રથમ સ્થાને મર્સિડીઝ 300 SLR Uhlenhaupt Coupe છે, જે હરાજીમાં 143 મિલિયન ડોલર (રૂ. 1000 કરોડથી વધુ)માં વેચાઈ હતી.

નવા માલિક વિશે કોઈ માહિતી નથી

નોંધનીય છે કે ફેરારી 250 જીટીઓ જેની હરાજી કરવામાં આવી હતી તેમાં મૂળ 4.0-લિટર V12 એન્જિન હતું. પુનઃસ્થાપિત અને સંશોધિત ફેરારી 250 જીટીઓના ઘણા માલિકો છે. જો કે, હવે હરાજીમાં તેને કોણે ખરીદ્યો છે તેની કોઈ માહિતી નથી. તેની હરાજી સોમવારે ન્યૂયોર્કમાં થઈ હતી.

શા માટે 1962 ફેરારી 250 જીટીઓ આટલી ખાસ છે?

તમને જણાવી દઈએ કે 1962માં આ કાર જર્મન Nürburgring Nordschleife સર્કિટ પર 1,000 કિમીની રેસમાં બીજા ક્રમે રહી હતી. તે જ વર્ષે લે મેન્સ 24 કલાકમાં પણ ભાગ લેવાનો હતો પરંતુ તે થઈ શક્યો નહીં. એન્જિન ફેલ થવાને કારણે ટીમને પીછેહઠ કરવી પડી હતી.

આ પણ વાંચો:Vivo Watch 3 launched/16 દિવસના બેટરી બેકઅપ સાથે Vivo Watch 3 લોન્ચ, જાણો ફીચર્સ

આ પણ વાંચો:starlink/ભારત આવતા પહેલા જ ‘એલન મસ્ક’ની મોટી જાહેરાત…

આ પણ વાંચો:Apple watch saved life/એપલ વોચે બચાવ્યો જીવ, ગંભીર ઈજા બાદ બેભાન થયો વ્યક્તિ ,વોચ એ બોલાવી એમ્બ્યુલન્સ