IPL 2022ની તૈયારીઓ પૂરજોશમાં ચાલી રહી છે. આ વખતે IPL માં આઠ ટીમો નહીં પરંતુ દસ ટીમો હશે. આઠ જૂની ટીમોએ તેમના ખેલાડીઓને જાળવી રાખ્યા છે, બાકીનાં ખેલાડીઓને બહાર કરવામાં આવ્યા છે. હવે બે નવી ટીમ ખેલાડીઓની પસંદગી માટે કામ કરશે.
આ પણ વાંચો – Abu Dhabi Grand Prix / ફોર્મ્યુલા વન રેસમાં સાત વખતના વિજેતા હેમિલ્ટનને હરાવીને મેક્સ વર્સ્ટાપેન વર્લ્ડ ચેમ્પિયન
દરમિયાન, ભારતમાં અને દેશની બહાર ઘણી ટૂર્નામેન્ટ ચાલી રહી છે. ભારતમાં સૈયદ મુશ્તાક અલી ટ્રોફીનું આયોજન કરવામાં આવ્યું છે. વળી, વિજય હજારે ટ્રોફી ચાલી રહી છે. બીજી તરફ, ઓસ્ટ્રેલિયામાં બિગ બેશ લીગ ચાલી રહી છે. લંકા પ્રીમિયર લીગ શ્રીલંકામાં રમાવા જઈ રહી છે. આમા પણ IPLમાં રમી રહેલા ખેલાડીઓ પોતાનુ બેસ્ટ આપી રહ્યા છે. ટીમો દ્વારા જે ખેલાડીઓને બહાર કરવામાં આવ્યા છે તેઓ પણ સારી રમત બતાવી રહ્યા છે, જેના કારણે ટીમો પણ પોતાના નિર્ણય પર અફસોસ કરી રહી છે. જે ટીમોએ ખેલાડીઓને જાળવી રાખ્યા છે તે સારું પ્રદર્શન કરી રહી છે, ત્યારે ટીમોને લાગે છે કે તેમણે સારો નિર્ણય લીધો છે. દરમિયાન, KKRએ જે ચાર ખેલાડીઓને જાળવી રાખ્યા છે, તેમાં એક નામ વેસ્ટ ઈન્ડિઝનાં ઓલરાઉન્ડર આન્દ્રે રસેલનું છે. હવે જ્યારે રસેલે બિગ બેશ લીગની મેચમાં શાનદાર ઇનિંગ્સ રમી છે, ત્યારે KKRનાં મેનેજમેન્ટ તેનાથી ઘણા ખુશ દેખાઇ રહ્યા છે. જણાવી દઇએ કે, બિગ બેશ લીગમાં સિડની થંડર અને મેલબોર્ન સ્ટાર્સ વચ્ચે મેચ રમાઈ હતી. સિડની થંડરે પ્રથમ બેટિંગ કરીને નિર્ધારિત 20 ઓવરમાં પાંચ વિકેટ ગુમાવીને 151 રન બનાવ્યા હતા. એટલે કે મેલબોર્ન સ્ટારને જીતવા માટે 152 રનની જરૂર હતી. મેલબોર્ન સ્ટારની શરૂઆત સારી રહી ન હતી, તેમની બે વિકેટ ખૂબ વહેલી પડી ગઈ હતી.
Ain't no boundary big enough 🙌
Andre Russell is certainly living up to the hype with the bat! #BBL11 pic.twitter.com/5JtYnrkS3d— KFC Big Bash League (@BBL) December 12, 2021
આ પણ વાંચો – Cricket / પાકિસ્તાની ખેલાડીએ કર્યો ખુલાસો, કેપ્ટન માટે જાન આપવા તૈયાર છે ટીમ
જોસ ક્લાર્ક શૂન્ય અને નિક લોર્કિન છ રન બનાવીને આઉટ થયા હતા. એક સમયે ટીમ પાંચ ઓવરમાં બે વિકેટ ગુમાવીને 24 રનમાં સંઘર્ષ કરી રહી હતી. આ પછી કેપ્ટન ગ્લેન મેક્સવેલે ઇનિંગ સંભાળી અને 25 બોલમાં 40 રનની શાનદાર ઇનિંગ રમી. ગ્લેન મેક્સવેલે બે સિક્સર અને ત્રણ ફોર ફટકારી હતી. પરંતુ આન્દ્રે રસેલે મેચની તમામ મજા છીનવી લીધી હતી. આન્દ્રે રસેલે માત્ર 22 બોલમાં 43 રન બનાવ્યા હતા. આ દરમિયાન આન્દ્રે રસેલે પાંચ સિક્સર અને એક ફોર ફટકારી હતી. એક સમયે મુશ્કેલીમાં દેખાતી ટીમે 17.1 ઓવરમાં ચાર વિકેટ ગુમાવીને 155 રન બનાવ્યા હતા અને છ વિકેટે મેચ જીતી લીધી હતી. આ જ કારણ હતું કે આન્દ્રે રસેલને મેન ઓફ ધ મેચનો એવોર્ડ આપવામાં આવ્યો હતો.
