આજે G20 સમિટ મુખ્ય અર્થતંત્રોના અધ્યક્ષ ઇટાલી દ્વારા બોલાવવામાં આવી છે.અફઘાનિસ્તાન પર નેતાઓના સમિટને સંબોધશે. વિશ્વની સૌથી ધનિક અર્થતંત્રો મંગળવારે અફઘાનિસ્તાનમાંથી ઉદ્ભવતા માનવતાવાદી સંકટ અને આતંકના જોખમો પર ચર્ચા કરશે.વડાપ્રધાન મોદી પણ આ સમિટમાં ભાગ લેશે અને સંબોધન કરશે.
ભારતે પહેલેથી જ તેની સ્થિતિ સ્પષ્ટ કરી છે કે તે અફઘાન સાથે છે અને તેનો સહાય કાર્યક્રમ ચાલુ રાખવા માટે તૈયાર છે. ભારતે અગાઉ સંકેત આપ્યો હતો કે તે કાબુલ સુધી કોઇપણ પ્રતિબંધ વગર પહોંચી શકે છે.
ભારતે સમાજના તમામ વર્ગોને સહાયનું ન્યાયી વિતરણ કરવાની પણ હાકલ કરી છે. સૌથી મોટા દાતાઓમાંના એક હોવાને કારણે, ભારતે યુદ્ધગ્રસ્ત દેશના પુનનિર્માણ માટે 3 અબજ ડોલરનો ખર્ચ કર્યો છે. ગયા મહિને યુએન જનરલ એસેમ્બલીમાં પોતાના ભાષણમાં, વડા પ્રધાન મોદીએ કહ્યું હતું કે વિશ્વએ યુદ્ધગ્રસ્ત અફઘાનિસ્તાનમાં જ્યાં મહિલાઓ, બાળકો અને લઘુમતીઓને જરૂર છે ત્યાં સહાય પૂરી પાડીને પોતાની ફરજ પૂરી કરવી જોઈએ
પીએમ મોદી G20 દેશોને અફઘાનિસ્તાનમાંથી ઉદ્ભવતા આતંકવાદના જોખમો અને પડોશી અફઘાનિસ્તાનમાં ભારત વિરોધી આતંકવાદી જૂથોને પર સંબોધન કરી શકે છે.
ગયા મહિને એસસીઓ દ્વારા આયોજિત અફઘાનિસ્તાન પરની વર્ચ્યુઅલ મીટિંગમાં પીએમ મોદીએ ભાર મૂક્યો હતો અને ચેતવણી આપી હતી કે જો અફઘાનિસ્તાનમાં “અસ્થિરતા અને કટ્ટરવાદ” ચાલુ રહેશે તો તે સમગ્ર વિશ્વમાં આતંકવાદી અને ઉગ્રવાદી વિચારધારાઓને પ્રોત્સાહન આપશે.
આજની G20 બેઠકમાં, જ્યાં માનવીય કટોકટી પર ધ્યાન કેન્દ્રિત કરવામાં આવશે, G20 દેશો સિવાય, કતાર, આંતરરાષ્ટ્રીય નાણાકીય ભંડોળ, વિશ્વ બેંક અને સંયુક્ત રાષ્ટ્ર પણ ભાગ લેશે. ઉલ્લેખનીય છે કે અફઘાનિસ્તાનનું આર્થિક પતન અને આવનારી સ્થળાંતર કટોકટીએ આંતરરાષ્ટ્રીય સમુદાયને ચિંતાનો વિષય બનાવી દીધો છે.
અફઘાનિસ્તાનની જમીનને આતંકવાદીઓ ઉપયોગ કરવા માંગે છે તે મામલે પણ ચિંતિત છે. જો કે, એવું માનવામાં આવી રહ્યું છે કે મોટી કટોકટી શરૂ થતાં જ વિશ્વએ અફઘાનિસ્તાનને સહાય પૂરી પાડવા પર ધ્યાન કેન્દ્રિત કરવું જોઈએ. અહેવાલો અનુસાર, અફઘાનિસ્તાન પર G20 બેઠકમાં એક સંયુકત નિવેદનની પણ આશા છે.
