અનુભવી રોકાણકાર મોબિયસ કેપિટલ પાર્ટનર્સે અદાણી ગ્રૂપમાં રોકાણ કરવાનો ઇનકાર કર્યો છે. અદાણી જૂથના દેવા પર સવાલ ઉઠાવતા કંપનીના સ્થાપક માર્ક મોબિયસે કહ્યું કે અત્યારે અમે અદાણીની કંપનીઓમાં પૈસા રોકવા માંગતા નથી. હિન્ડેનબર્ગે અદાણીના દેવા અંગે પોતાના રિપોર્ટમાં ઘણા ખુલાસા કર્યા હતા.
અમેરિકન રિસર્ચ ફર્મ હિન્ડેનબર્ગ દ્વારા અદાણી ગ્રૂપને લાગેલો ઘા હજુ રૂઝાયો નથી. અદાણી ગ્રૂપના જંગી દેવા અંગે સવાલ ઉઠાવતા હિન્ડેનબર્ગના ઘટસ્ફોટ બાદ અદાણી ગ્રૂપમાં રોકાણકારોનો વિશ્વાસ ડગમગી ગયો છે. અનુભવી રોકાણકાર માર્ક મોબિયસ દ્વારા અદાણી જૂથના દેવા અંગે પ્રશ્ન ઉઠાવવામાં આવ્યો છે. એક ઇન્ટરવ્યુ દરમિયાન, મોબિયસ કેપિટલ પાર્ટનર્સના સ્થાપક માર્ક મોબિયસે અદાણીના દેવા અંગે પ્રશ્ન ઉઠાવતા કંપનીમાં રોકાણ કરવાનો ઇનકાર કર્યો હતો.
ઈન્ટરવ્યુ દરમિયાન માર્ક મોબિયસે કહ્યું કે બજારના રોકાણકારોને ભારત પાસેથી ઘણી અપેક્ષાઓ છે. મોબિયસ કેપિટલ માટે ભારત એક મોટું બજાર છે. તેમની ફર્મ ભારતમાં તેનું રોકાણ વધારવાની યોજના બનાવી રહી છે, પરંતુ તે અત્યારે અદાણી જૂથમાં રોકાણ કરશે નહીં. માર્કે કહ્યું કે ભારત તેમના રોકાણ પોર્ટફોલિયોમાં બે સૌથી મોટા બજારોમાંનું એક છે. જ્યાં સુધી અદાણી ગ્રૂપમાં રોકાણનો સવાલ છે, તે હાલ પૂરતું તેનાથી અંતર રાખશે. તેણે અદાણી ગ્રુપની કંપનીઓના શેરમાં રોકાણ કરવાનો ઇનકાર કર્યો હતો. તેમણે કહ્યું કે દેવાના કારણે અમે અદાણી જૂથની કંપનીઓમાં રોકાણ કરવાથી દૂર રહેવાનો નિર્ણય કર્યો છે. તેમણે કહ્યું કે અદાણી જૂથ પર ઘણું દેવું છે અને અમે વધુ દેવું ધરાવતી કંપનીઓમાં રોકાણ કરવા માંગતા નથી. આ કારણથી તેણે અદાણીની કંપનીઓથી દૂર રહેવાનો નિર્ણય કર્યો છે. અગાઉ ફેબ્રુઆરીમાં પણ તેણે આવી જ વાત કહી હતી.
તેમણે અમેરિકાની બેંકિંગ કટોકટી પર પણ પોતાનો અભિપ્રાય આપ્યો અને કહ્યું કે અમેરિકાનું અર્થતંત્ર મંદી તરફ આગળ વધી રહ્યું છે. મુખ્ય ધિરાણ દર સતત વધી રહ્યો છે. તેમણે જણાવ્યું હતું કે તાજેતરના ભૂતકાળમાં ઉભરતા બજારોએ યુએસ બજાર કરતાં ઘણું સારું પ્રદર્શન કર્યું છે. ચીન સિવાય, ભારતીય બજારોએ અસાધારણ રીતે સારું પ્રદર્શન કર્યું છે. ભારત સરકાર સુધારાની પ્રક્રિયા પર સતત ધ્યાન કેન્દ્રિત કરી રહી છે, જે રોકાણકારોને ભારત તરફ આકર્ષિત કરવા માટે કામ કરી રહી છે.
આ પણ વાંચો:એલન મસ્કે ટ્વિટરના CEO પદ પરથી આપ્યું રાજીનામું,આ બની શકે છે ઉત્તરાધિકારી
આ પણ વાંચો:સાપ્તાહિક એક્સપાયરીના અંતે બજાર સામાન્ય ઘટીને બંધ આવ્યું
આ પણ વાંચો:ભારત પેના સંસ્થાપક અશ્નીર ગ્રોવર વિરુદ્ધ દિલ્હી પોલીસે નોંધી FIR, જાણો શું છે મામલો
આ પણ વાંચો:કોણ છે 35 હજાર કરોડનો માલિક! બેંકોમાં પડેલી આ ‘દાવા વગરની’ રકમ માટે નથી મળી રહ્યો દાવેદાર
આ પણ વાંચો:બેન્કના લોકરમાં હવે રોકડ નહી રાખી શકો, રિઝર્વ બેન્કે લોકરના નિયમોમાં કર્યો ફેરફાર
