ઉત્તર પશ્ચિમ ભારતના મોટાભાગના વિસ્તારોમાં વરસાદ ચાલુ રહેશે. આ અંગે માહિતી આપતાં હવામાન વિભાગ (IMD)એ દિલ્હી, હરિયાણા, હિમાચલ પ્રદેશ, ઉત્તરાખંડ, રાજસ્થાન, પંજાબ અને જમ્મુ-કાશ્મીરમાં ભારેથી અતિભારે વરસાદની આગાહી કરી છે. IMD એ જણાવ્યું હતું કે ઉત્તર ભારતમાં પશ્ચિમી વિક્ષેપ પ્રવર્તી રહ્યો છે, જેના કારણે ગઈ કાલે ભારે વરસાદ થયો હતો, જેમાં દિલ્હી સહિત સિઝનનો પ્રથમ ભારે વરસાદ પડ્યો હતો. દિલ્હીમાં રવિવારે સવારે 8.30 વાગ્યા સુધી છેલ્લા 24 કલાકમાં 153 મીમી વરસાદ નોંધાયો હતો, જે 1982 પછી જુલાઈમાં એક જ દિવસમાં સૌથી વધુ વરસાદ છે. આ દૃષ્ટિકોણથી, છેલ્લા 40 વર્ષમાં જુલાઈ મહિનામાં એક દિવસમાં આ સૌથી વધુ વરસાદ છે.
રાષ્ટ્રીય રાજધાનીના ઘણા ભાગોમાં પાણી ભરાવાને કારણે ટ્રાફિક જામ થઈ ગયો હતો. આજે પણ શહેર અને આસપાસના વિસ્તારોમાં ધોધમાર વરસાદ ચાલુ રહ્યો હતો. દિલ્હીમાં એક 58 વર્ષીય મહિલાનું મૃત્યુ થયું જ્યારે એક ફ્લેટની છત તેના પર તૂટી પડી. રાજસ્થાનમાં 24 કલાકના ગાળામાં વરસાદ સંબંધિત ઘટનાઓમાં ચાર લોકોના મોત થયા છે. હવામાન વિભાગે રાજસમંદ, જાલોર, પાલી, અજમેર, અલવર, બાંસવાડા, ભરતપુર, ભીલવાડા, બુંદી, ચિત્તોડગઢ, દૌસા, ધોલપુર, જયપુર અને કોટા સહિત રાજસ્થાનના નવથી વધુ જિલ્લાઓમાં ભારે વરસાદની આગાહી કરી છે.
અવિરત વરસાદ અને ભૂસ્ખલનને કારણે શનિવારે સતત બીજા દિવસે અમરનાથ યાત્રાને સ્થગિત કરવામાં આવી હતી, જેના કારણે હજારો શ્રદ્ધાળુઓ જમ્મુના વિવિધ સ્થળોએ અને ગુફા મંદિરના માર્ગ પર ફસાયા હતા. દક્ષિણમાં, કેરળ અને કર્ણાટકના ઘણા વિસ્તારોમાં સતત વરસાદ પડી રહ્યો છે. IMD એ કેરળના ચાર જિલ્લા – કોઝિકોડ, વાયનાડ, કન્નુર અને કાસરગોડમાં “યલો” ચેતવણી જારી કરી છે. સિમલા, સિરમૌર, લાહૌલ અને સ્પીતિ, ચંબા અને સોલનમાં ભૂસ્ખલન અને પૂરને કારણે ઘણા રસ્તાઓ બંધ થયા બાદ હવામાન કચેરીએ હિમાચલ પ્રદેશના સાત જિલ્લાઓ માટે “રેડ” ચેતવણી જારી કરી છે.
હરિયાણા અને પંજાબના ઘણા ભાગોમાં ભારે વરસાદ પડ્યો હતો, જેના કારણે બંને રાજ્યોમાં પારો સામાન્ય મર્યાદાથી નીચે ગયો હતો, એમ હવામાન કચેરીએ જણાવ્યું હતું. બંને રાજ્યોની સામાન્ય રાજધાની ચંડીગઢમાં દિવસભર વરસાદ પડ્યો હતો. જમ્મુ-કાશ્મીરમાં પણ છેલ્લા 24 વર્ષમાં ભારે વરસાદ થયો છે. આ સમયગાળા દરમિયાન, કઠુઆ KVK માં 232.0 mm, કઠુઆ ARG = 296.0 mmmm, કઠુઆ શહેર: = 221.8 mm, રાજ્યમાં વરસાદની મોસમ હજુ પણ ચાલુ છે.
આ પણ વાંચો:Rajasthan Politics/રાજસ્થાન કોંગ્રેસનો મતભેદ? ગેહલોત-પાયલોટ વચ્ચે ‘ડીલ’! આ નિવેદનથી મળ્યા સંકેતો
આ પણ વાંચો:Heavy Rain/દિલ્હીમાં 41 વર્ષ બાદ રેકોર્ડ વરસાદ, કેજરીવાલે મંત્રીઓ અને અધિકારીઓની રજાઓ રદ્દ કરી, કરશે સ્થળ નિરીક્ષણ
