કોંગ્રેસ એ રાજસ્થાન વિધાનસભા ચૂંટણીમાં સત્તા પર પાછા ફરવા માટે તમામ તાકાત લગાવી દીધી છે. અશોક ગેહલોતથી નારાજ સચિન પાયલટે ન્યૂઝ એજન્સીને આપેલા ઈન્ટરવ્યુમાં ઘણા મુદ્દાઓ પર વાત કરી છે. પાયલોટે કહ્યું છે કે પાર્ટી અધ્યક્ષ મલ્લિકાર્જુન ખડગેએ તેમને ભૂલી જવા, માફ કરવા અને આગળ વધવાનું કહ્યું છે. રાજસ્થાનના ભૂતપૂર્વ નાયબ મુખ્ય પ્રધાન સચિન પાયલટે આ ટિપ્પણી ત્યારે કરી જ્યારે ખડગે અને રાહુલ ગાંધીએ રાજસ્થાનના કોંગ્રેસના નેતાઓ સાથે બેઠક યોજી હતી, જેમાં આગામી રાજસ્થાન વિધાનસભાની ચૂંટણી સંયુક્ત રીતે લડવાનો નિર્ણય લેવામાં આવ્યો હતો.
ગેહલોત સાથે પાયલોટના મતભેદો ખતમ?
આ બેઠક બાદ કોંગ્રેસના મહાસચિવ કેસી વેણુગોપાલે સંકેત આપ્યો હતો કે કોંગ્રેસ રાજસ્થાન વિધાનસભા ચૂંટણીમાં મુખ્યમંત્રીપદનો ચહેરો જાહેર નહીં કરે. આ સાથે જ અશોક ગેહલોત સાથેના મતભેદો ખતમ કરીને આગળ વધવાના સ્પષ્ટ સંકેત આપતા સચિન પાયલટે કહ્યું કે અશોક ગેહલોત મારા કરતા ઉંમરમાં મોટા છે. તેની પાસે વધુ અનુભવ છે. તેમના ખભા પર મોટી જવાબદારીઓ છે.
સચિન પાયલટનું મોટું નિવેદન
સચિન પાયલોટે વધુમાં કહ્યું કે જ્યારે હું પ્રદેશ કોંગ્રેસ અધ્યક્ષ હતો ત્યારે મેં બધાને સાથે લઈને ચાલવાનો પ્રયાસ કર્યો હતો. મને લાગે છે કે આજે તેઓ મુખ્યમંત્રી છે, તેથી તેઓ બધાને સાથે લઈ જવાનો પ્રયાસ કરી રહ્યા છે. સચિન પાયલોટે એમ પણ કહ્યું હતું કે પાર્ટી અને જનતા કોઈ પણ વ્યક્તિ કરતા વધુ મહત્વપૂર્ણ છે. હું પણ આ સમજું છું અને તેઓ પણ સમજે છે.
કોંગ્રેસ મુખ્યમંત્રીનો ચહેરો જાહેર નહીં કરે
વિધાનસભા ચૂંટણીમાં મુખ્યમંત્રીના ચહેરાને લગતા સવાલ પર પાયલોટે કહ્યું કે કોંગ્રેસની દાયકાઓથી પરંપરા રહી છે કે પાર્ટી ચૂંટણી પહેલા પોતાનો ચહેરો જાહેર કરતી નથી. આના પરથી સ્પષ્ટ સંકેત મળી રહ્યા છે કે કદાચ ગેહલોત અને પાયલોટ વચ્ચેના મતભેદોને ખતમ કરવા માટે કોઈ પગલું ભરવામાં આવ્યું છે.
આ પણ વાંચો:Heavy Rain/દિલ્હીમાં 41 વર્ષ બાદ રેકોર્ડ વરસાદ, કેજરીવાલે મંત્રીઓ અને અધિકારીઓની રજાઓ રદ્દ કરી, કરશે સ્થળ નિરીક્ષણ
આ પણ વાંચો:Amarnath Yatra news/ અમરનાથ યાત્રા ફરી રદ્દ, ખરાબ હવામાન ભક્તો માટે મુસીબત
