નવી દિલ્હીઃ ભારતીય ટીમ હવે નવા કોચ અને નવા કેપ્ટન સાથે શ્રીલંકા પ્રવાસે જવાની છે. આ પ્રવાસમાં બંને ટીમો વચ્ચે T20 અને ODI શ્રેણી રમાશે. આ શ્રેણીમાં ફરી એકવાર યુવા ખેલાડીઓનો જાદુ જોવા મળી શકે છે. તેની સાથે ઝિમ્બાબ્વે પ્રવાસમાં ખાસ ન ઝળકી શકેલા ખેલાડી બહાર થઈ શકે છે. ભારતીય ક્રિકેટ કંટ્રોલ બોર્ડ (BCCI) ટૂંક સમયમાં જ ODI અને T20 શ્રેણી માટે ટીમ ઈન્ડિયાની જાહેરાત કરી શકે છે. અહેવાલો અનુસાર, આ વખતે ટીમ ઈન્ડિયાના નવા મુખ્ય કોચ ગૌતમ ગંભીર પસંદગીકારો સાથે હાજર રહેશે. તે જ સમયે, આ શ્રેણીમાંથી બે એવા ખેલાડીઓને બહાર કરી શકાય છે, જેમણે ટીમ ઇન્ડિયા માટે અત્યાર સુધી માત્ર એક જ T20 શ્રેણી રમી છે.
આ બંને ખેલાડીઓથી મળી નિરાશા
હાલમાં જ ટીમ ઈન્ડિયાએ ઝિમ્બાબ્વેનો પ્રવાસ પૂરો કર્યો છે. આ પ્રવાસમાં ટીમ ઈન્ડિયાએ યજમાન ઝિમ્બાબ્વે સાથે 5 મેચની T20 શ્રેણી રમી હતી. આ શ્રેણીમાં યુવા ખેલાડીઓને તક આપવામાં આવી હતી, જ્યારે ટીમની કમાન પહેલીવાર શુભમન ગિલના હાથમાં હતી. ટીમ ઈન્ડિયાએ આ શ્રેણી 4-1થી જીતી લીધી છે.
આ સીરીઝમાં ઘણા ખેલાડીઓએ ટીમ ઈન્ડિયા માટે T20 ઈન્ટરનેશનલમાં ડેબ્યુ કર્યું હતું. જેમાં અભિષેક શર્મા, રિયાન પરાગ અને ધ્રુવ જુરેલનો સમાવેશ થાય છે. જ્યારે અભિષેક શર્મા માટે આ શ્રેણી સારી હતી, ત્યારે રિયાન પરાગ અને ધ્રુવ જુરેલ માટે આ શ્રેણી કંઈ ખાસ ન હતી અને આ બંને ખેલાડીઓએ તેમના ખરાબ પ્રદર્શનથી ટીમને નિરાશ કરી હતી.
શ્રેણીની મધ્યમાં, આ બંને ખેલાડીઓને પ્લેઈંગ ઈલેવનમાંથી પણ બહાર કરવામાં આવ્યા હતા. રિયાન પરાગને ઝિમ્બાબ્વે સામેની ત્રણ મેચમાં તક મળી, આ ત્રણ મેચની બે ઇનિંગ્સમાં પરાગે માત્ર 24 રન બનાવ્યા. આ સિવાય ધ્રુવ જુરેલને 2 મેચમાં તક મળી હતી, જેમાં જુરેલના બેટમાંથી માત્ર 6 રન જ બન્યા હતા. આવી સ્થિતિમાં હવે આ બંને ખેલાડીઓને શ્રીલંકા પ્રવાસ પર ટી-20 શ્રેણીમાંથી ટીમ ઈન્ડિયામાંથી બહાર કરવામાં આવી શકે છે.
આ પણ વાંચો: સાપે 7 વખત ડંખ માર્યાનો કિસ્સા બાદ ક્રિકેટર રિંકુ સિંહે ઇન્ટરવ્યુમાં કર્યો ખુલાસો, તેમને પણ માર્યો છે ડંખ
આ પણ વાંચો: રોહિત શર્મા બાદ T20માં કોણ બનશે ટીમ ઈન્ડિયાનો કેપ્ટન, આ ખેલાડી કાપી શકે છે હાર્દિક પંડ્યાનું પત્તુ
