Fake Perfume Health Warning : લોકો સસ્તાથી મોંઘા પરફ્યુમનો ઉપયોગ કરે છે, પરંતુ આને લઈને ગંભીર સ્વાસ્થ્ય ચેતવણી જારી કરવામાં આવી છે. લોકો ક્યારેક સસ્તા ભાવની લાલચમાં આવે છે, પરંતુ તેઓ અવગણના કરે છે કે તેમનું પરફ્યુમ અસલી છે કે નકલી. હવે મોટો પ્રશ્ન એ ઊભો થાય છે કે નકલી પરફ્યુમમાં ખરેખર શું હોઈ શકે?આજે અમે તમને બધું જ જણાવીશું…

 કેટલાક લોકો પોતાના બજેટ પ્રમાણે સસ્તા નકલી પરફ્યુમ ખરીદે છે. આ પરફ્યુમ લોકોના સ્વાસ્થ્યને નુકસાન પહોંચાડી શકે છે. પ્રાઇસ કમ્પેરિઝન વેબસાઈટ HalfPricePerfumesના એક્સપર્ટ એન્ટ રોબિન્સને ચેતવણી આપી હતી કે પોલીસ દ્વારા લેબમાં જપ્ત કરાયેલા સેમ્પલના પરીક્ષણમાં જાણવા મળ્યું છે કે નકલી પરફ્યુમમાં માનવ યુરિન ભેળવી શકાય છે. હા, તમે તે સાચું સાંભળ્યું – માનવ પેશાબ

પેશાબને કારણે સ્વાસ્થ્યને નુકસાન

પેશાબમાં ઘણા બેક્ટેરિયા અને અન્ય સંભવિત હાનિકારક સૂક્ષ્મજીવો હોય છે, જે લોકોના સ્વાસ્થ્યને નુકસાન પહોંચાડી શકે છે. ઉપરાંત, નકલી પરફ્યુમમાં પ્રિઝર્વેટિવ્સ અને રસાયણો હોતા નથી જે બેક્ટેરિયાને વધતા અટકાવી શકે છે. આવી સ્થિતિમાં નકલી પરફ્યુમમાં હલકી ગુણવત્તાની સામગ્રી ભેળવવામાં આવે છે.

નકલી પરફ્યુમ શરીર પર ફોલ્લીઓનું કારણ બની શકે છે

નિષ્ણાતોનું માનવું છે કે નકલી પરફ્યુમથી શરીર પર ચકામા પડી શકે છે. તેમણે કહ્યું કે હાનિકારક રસાયણોથી ભરેલા પરફ્યુમ ત્વચા માટે સલામત નથી, જેમ કે ફોર્માલ્ડીહાઈડ, ફેથેલેટ્સ અને કૃત્રિમ કસ્તુરી. લોકો એલર્જીથી પણ પીડાઈ શકે છે.

કેન્સરનું જોખમ પણ વધી શકે છે

એન્ડએ જણાવ્યું કે, Phthalates શરીરની હોર્મોનલ અને અંતઃસ્ત્રાવી પ્રણાલીઓને પણ વિક્ષેપિત કરી શકે છે,  સામાન્ય રીતે નકલી પરફ્યુમમાં જોવા મળતા ફોર્માલ્ડીહાઈડ અને પોલિસાયક્લિક એરોમેટિક હાઈડ્રોકાર્બન પણ કેન્સરનું જોખમ વધારી શકે છે. નિષ્ણાતો કહે છે કે ફોર્માલ્ડિહાઈડના સંપર્કમાં આવવાથી નાસોફેરિંજલ કેન્સર, લ્યુકેમિયા અને અન્ય પ્રકારના કેન્સરનું જોખમ વધે છે. પોલિસાયક્લિક એરોમેટિક હાઇડ્રોકાર્બનના સંપર્કમાં આવવાથી ફેફસાંનું કેન્સર, ચામડીનું કેન્સર અને અન્ય પ્રકારના કેન્સર થઈ શકે છે.

આ પણ વાંચો:શું તમને પરફ્યુમ સ્પ્રે કરવાથી ગરદનની ત્વચા કાળી થવાનો ડર છે? કરો આ ઉપાય

આ પણ વાંચો:પરફ્યુમના વેપારી પીયૂષ જૈન પર દરોડાના કેસમાં ફાઇલ કરાઈ ચાર્જશીટ

આ પણ વાંચો:બોડીના આ 5 ભાગમાં પર લગાવો પરફ્યુમ, આખો દિવસ રહેશે સુગંધ