World News :2026 ની યુએસ મધ્યસત્ર ચૂંટણીઓમાં (US Election)પ્રચાર કરવાની રીતમાં આર્ટિફિશિયલ ઇન્ટેલિજન્સ (Artificial Intelligence) મોટો ફેરફાર કરી રહ્યું છે. રાજકીય પક્ષો અને તેમની સંલગ્ન સંસ્થાઓ AI નો ઉપયોગ કરીને એવા વીડિયો અને જાહેરાતો બનાવી રહી છે જે વિરોધીઓને એવું કહેતા કે કરતા બતાવે છે જે તેમણે ક્યારેય કર્યું જ નથી.
વેસ્લીયન મીડિયા પ્રોજેક્ટના સંશોધકો અને AdImpactના જાહેરાત ખર્ચના ડેટા મુજબ, આ ચૂંટણીઓમાં 220 AI-જનરેટેડ જાહેરાતો પર આશરે 1300 કરોડ સુધીનો જંગી ખર્ચ કરવામાં આવ્યો હતો, જેમાંથી 80% થી વધુ જાહેરાતો રિપબ્લિકન કેમ્પ (Republican Camp)દ્વારા બનાવવામાં આવી હતી.
US Election જાહેરાતોમાં AI નો સતત વધતો અને જોખમી ઉપયોગ
યુનાઇટેડ સ્ટેટ્સ (United States)માં AI નો ઉપયોગ હવે માત્ર સ્ક્રિપ્ટ લખવા કે છબીઓ બનાવવા સુધી મર્યાદિત નથી રહ્યો, પરંતુ તેનો ઉપયોગ રાજકારણીઓના ચહેરા, અવાજો અને હાવભાવની નકલ કરવા માટે થઈ રહ્યો છે. આ તકનીક દ્વારા એકદમ વાસ્તવિક લાગે તેવા ડીપફેક વીડિયો બનાવવામાં આવી રહ્યા છે.
આનું એક ઉદાહરણ ન્યુ યોર્કમાં જોવા મળ્યું હતું, જ્યાં રિપબ્લિકન ગવર્નરના ઉમેદવાર બ્રુસ બ્લેકમેનના પ્રચારમાં એક વિડિઓ શરૂ કરાયો હતો. તેમાં ન્યુ યોર્કના મેયર ઝોહરાન મમદાની અને ગવર્નર કેથી હોચુલને એક પાર્કમાં સાથે ફરતા અને “રાજકીય ભ્રમણા ગોળી” નામની કાલ્પનિક દવાનો પ્રચાર કરતા બતાવવામાં આવ્યા હતા.
80% થી વધુ જાહેરાતો રિપબ્લિકન કેમ્પમાંથી પ્રસારિત
વેસ્લીયન મીડિયા પ્રોજેક્ટના સંશોધકો દ્વારા કરવામાં આવેલા 220 જાહેરાતોના વિશ્લેષણમાં ખુલાસો થયો છે કે 80% કરતા વધુ AI જાહેરાતો રિપબ્લિકન ઉમેદવારો અથવા તેમની સાથે સંકળાયેલા રાજકીય સંગઠનો (Political Organizations) દ્વારા તૈયાર કરવામાં આવી હતી, જ્યારે ડેમોક્રેટિક કેમ્પનો હિસ્સો આ મામલે નોંધપાત્ર રીતે ઘણો ઓછો હતો. સંશોધન દર્શાવે છે કે રાજકીય પક્ષો પોતાના ઉમેદવારોની છબી ચમકાવવા અને વિરોધીઓને લક્ષ્ય બનાવવા માટે આ શક્તિશાળી ટેકનોલોજીનો બેફામ ઉપયોગ કરી રહ્યા છે, જેનાથી વિરોધીઓના મંતવ્યો અને જોડાણોનું વાસ્તવિકતાથી તદ્દન વિપરીત ચિત્ર ઊભું કરવું સરળ બન્યું છે.
આ પણ વાંચો:પીયૂષ ગોયલ યુએસ કંપનીઓની બેઠક અમેરિકન કંપનીઓ સાથે રોકાણ પર મોટી ચર્ચા
