Us News: અમેરિકાના પાવટકેટ (Pawtucket)શહેરમાં સ્કૂલ હોકી મેચ દરમિયાન થયેલા ગોળીબારે (Shooting)સમગ્ર દેશને હચમચાવી દીધો છે. રોડ આઇલેન્ડ રાજ્યના એક એરેનામાં અચાનક ફાયરિંગ (Shooting)શરૂ થતા એક નાની બાળકી સહિત બે લોકોના મોત થયા હતા, જ્યારે હુમલાખોરે પોતાને પણ ગોળી મારી આત્મહત્યા કરી હતી. આ ઘટનામાં કુલ ત્રણ લોકોના મોત અને ત્રણ અન્ય ગંભીર રીતે ઘાયલ થયા હોવાનું પોલીસ દ્વારા જણાવવામાં આવ્યું છે.
ડેનિસ એમ. લિંચ એરેનામાં ગોળીબાર (Shooting)
આ ઘટના ડેનિસ એમ. લિંચ એરેના (Dennis M. Lynch Arena) ખાતે બની હતી, જ્યાં સ્કૂલ હોકી મેચ ચાલી રહી હતી. મેચ દરમિયાન વિદ્યાર્થીઓ, વાલીઓ અને સ્થાનિક લોકોની મોટી ભીડ હાજર હતી. અચાનક ગોળીબાર (Shooting)શરૂ થતાં સમગ્ર એરેનામાં અફરાતફરી મચી ગઈ હતી. લોકો જીવ બચાવવા માટે દોડતા જોવા મળ્યા, જ્યારે કેટલાક બાળકો ભયમાં ચીસો પાડતા હતા.
પોલીસની તાત્કાલિક કાર્યવાહી
અમેરિકાના પાવટકેટ પોલીસ ચીફ ટીના ગોનકાલ્વેસ (Tina Goncalves) એ પ્રેસ કોન્ફરન્સમાં જણાવ્યું હતું કે ગોળીબાર (Shooting)ના અહેવાલ મળતા જ પોલીસ ટીમો ઘટનાસ્થળે પહોંચી ગઈ હતી. એરેનાને તાત્કાલિક સીલ કરી દેવામાં આવ્યું અને આસપાસના રસ્તાઓ બંધ કરવામાં આવ્યા. ભારે પોલીસ બંદોબસ્ત ગોઠવવામાં આવ્યો હતો જેથી પરિસ્થિતિ નિયંત્રણમાં રાખી શકાય.
પોલીસના જણાવ્યા અનુસાર, શંકાસ્પદ હુમલાખોરે પહેલા અન્ય લોકો પર ગોળીબાર કર્યો અને ત્યારબાદ પોતાને ગોળી મારી (Shooting)હતી, જેમાં એક બાળકીનું પણ મોત થયું છે.
પરિવારને નિશાન બનાવ્યાની આશંકા
પ્રારંભિક તપાસમાં એવું અનુમાન લગાવવામાં આવી રહ્યું છે કે હુમલાખોરે પોતાના પરિવારના સભ્યોને નિશાન બનાવ્યા હોઈ શકે છે. ફાયરિંગમાં એક નાની બાળકીનું મોત થતાં આ ઘટનાની ગંભીરતા વધી ગઈ છે. ઘાયલ થયેલા ત્રણ લોકોને ગંભીર હાલતમાં હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે.
ગોળીબાર શરૂ થતાં જ ટીમો મેચ છોડીને ભાગી ગઈ
મેચના લાઈવ સ્ટ્રીમમાં જોવા મળ્યું કે એક ટીમ ડિફેન્સ તોડવાનો પ્રયાસ કરી રહી હતી, ત્યારે અચાનક ગોળીબારનો અવાજ સંભળાયો. ખેલાડીઓ બેન્ચ પાછળ છુપાઈ ગયા. રેફરીએ તરત જ મેચ રોકવા માટે સીટી વગાડી અને આઈસ રિંકમાંથી બહાર નીકળી ગયા.
થોડીવારમાં જ, બંને ટીમો રિંગમાંથી બહાર નીકળી ગઈ, બોર્ડ ઉપર કૂદી ગઈ અને બીજા એક્ઝિટ તરફ ભાગી ગઈ. પોલીસની એક ટુકડી પણ ઘટનાસ્થળે પહોંચી ગઈ. ઘટના બાદ, વિસ્તારમાં ભારે પોલીસ બંદોબસ્ત ગોઠવી દેવામાં આવ્યો. પોલીસે સોમવાર સાંજ સુધી મેદાનની આસપાસની શેરીઓમાં પેટ્રોલિંગ ચાલુ રાખ્યું.
શાળાઓ કહે છે કે બધા વિદ્યાર્થીઓ સુરક્ષિત
કોવેન્ટ્રી પબ્લિક સ્કૂલ ડિસ્ટ્રિક્ટ સુપરિન્ટેન્ડેન્ટ ડોન કોવાર્ટે એક નિવેદન જાહેર કરીને કહ્યું કે તેમની હોકી ટીમના બધા વિદ્યાર્થીઓ સુરક્ષિત છે. તેમણે કહ્યું કે કોવેન્ટ્રી પોલીસ અધિકારી વિદ્યાર્થીઓ સાથે ઘટનાસ્થળે હાજર હતા.
નોર્થ સ્મિથફિલ્ડ હાઇ સ્કૂલના પ્રિન્સિપાલ ડેન ગેરાઘ્ટીએ પણ એક નિવેદનમાં કહ્યું કે તેમના બધા વિદ્યાર્થીઓ, ખેલાડીઓ અને દર્શકો સુરક્ષિત છે. આ સમાચાર હૃદયદ્રાવક છે. અમારો સમુદાય તેનાથી હચમચી ગયો છે.
પોલીસ વડાએ કહ્યું કે કાયદા અમલીકરણ એજન્સીઓ વિદ્યાર્થીઓને કાઉન્સેલિંગ સેવાઓ પૂરી પાડવા માટે શાળાઓ સાથે કામ કરશે. આ ઘટનાની અસર ભવિષ્યમાં બાળકો પર પડી શકે છે.
આ પણ વાંચો:અમેરિકામાં પારિવારિક વિવાદમાં ગોળીબાર, એક ભારતીય સહિત ચાર લોકોના મોત
આ પણ વાંચો:દક્ષિણ આફ્રિકામાં અંધાધૂંધ ગોળીબાર, જોહાનિસબર્ગ નજીક 10 લોકોના મોત, 10 ઘાયલ
આ પણ વાંચો:વેનેઝુએલાના કારાકાસમાં રાષ્ટ્રપતિ ભવન નજીક ગોળીબાર, ડ્રોન દેખાતા કાર્યવાહી
