વોશિંગ્ટન
અમેરિકાની પ્રતિનિધિ સભામાં બુધવારે માણસનો કૂતરા અને બિલાડીને ખોરાક તરીકે ઉપયોગમાં લેવા પર પ્રતિબંધ લગાવ્યો છે.
આ નિયમનું પાલન ન કરનારને ૫૦૦૦ અમેરિકન ડોલરનો દંડ થશે. ૫૦૦૦ ડોલર એટલે ભારતના આશરે ૩,૫૦,૦૦૦ રૂપિયા.
ઉપરાંત બીજા એક પ્રસ્તાવમાં ચીન, દક્ષીણ કોરિયા અને ભારત સહિત બધા દેશોમાં કુતરા અને બિલાડીના માંસનો વેપાર બંધ કરવા માટે અનુરોધ કર્યો છે.
કોંગ્રેસ સદસ્ય ક્લાઉડીયા ટેનીએ કહ્યું હતું કે બિલાડી અને કુતરા જેવા પાલતું પ્રાણીઓ મનોરંજન માટે હોય છે. પરંતુ દર વર્ષે ચીનમાં માણસના ભોજન માટે એક કરોડથી વધારે કુતરાને મારી નાખવામાં આવે છે.
વધુમાં તેમણે ઉમેર્યું હતું કે આ બાબતો માટે કરુણામયી સમાજમાં કોઈ સ્થાન નથી. તેમનું આ નિવેદન અમેરિકાના મુલ્યો દર્શાવે છે અને દુનિયાના બીજા તમામ દેશને અમાનવીય અને ક્રૂર વર્તનથી દૂર રહેવાનું કહે છે.
તમને જણાવી દઈએ કે આ પ્રસ્તાવમાં ચીન, દક્ષીણ કોરિયા, વિયેતનામ, થાઈલેન્ડ, ફિલિપિન, ઇન્ડોનેશિયા, કંબોડિયા, ભારત અને બીજા દેશોમાં પણ કુતરા અને બિલાડીના માંસ પર પ્રતિબંધ લગાવવા માટે આ નિયમ લાગુ કરવા માટે વિંનતી કરી છે.
