Vadodara News: વડોદરામાં પોતાના ચાર વર્ષના બાળકની સારવાર કરાવી રહેલી એક મહિલાએ પતિ અને સાસરિયાં સામે શારીરિક તથા માનસિક ત્રાસ આપ્યાની ફરિયાદ (Vadodara Woman Complaint)  નોંધાવી છે. મહિલાનો આરોપ છે કે લગ્ન બાદ પતિના વર્તનમાં બદલાવ આવ્યો હતો અને સાસરિયાં દ્વારા પણ તેને પરેશાન કરવામાં આવતી હતી. આ ઉપરાંત પતિના એક મિત્રના વર્તન અંગે પણ મહિલાએ ગંભીર આક્ષેપો કર્યા છે.

આ મામલે મહિલાની ફરિયાદના આધારે વડોદરાના સમા પોલીસ સ્ટેશનમાં ગુનો નોંધવામાં આવ્યો છે. ફરિયાદને આગળની કાર્યવાહી માટે આણંદ જિલ્લાના ખંભોળજ પોલીસ સ્ટેશન તરફ મોકલવામાં આવી છે.

Vadodara Woman Complaint: કેનેડામાં લગ્નજીવન શરૂ થયું હોવાનો મહિલાનો દાવો

ફરિયાદ મુજબ, મહિલાના અગાઉના લગ્ન બાદ છૂટાછેડા થયા હતા. ત્યારબાદ વર્ષ 2017માં તેની ઓળખ કાર્તિક પટેલ સાથે થઈ હતી. મહિલાના જણાવ્યા પ્રમાણે, કેનેડાની કાયમી રહેવાસી બનવાની પ્રક્રિયા બાદ બંને પરિવારોની સંમતિથી વર્ષ 2019માં લગ્ન થયા હતા.લગ્ન બાદ પતિની કેનેડા જવાની પ્રક્રિયા માટે પણ કાર્યવાહી કરવામાં આવી હતી. મહિલાનો દાવો છે કે વર્ષ 2022માં કેનેડામાં તેમના બાળકનો જન્મ થયો અને ત્યારબાદ પતિને પણ કેનેડાની કાયમી રહેવાસીનો દરજ્જો મળ્યો હતો.

ભારત પરત આવ્યા બાદ ત્રાસ વધ્યાનો આરોપ

મહિલાના આક્ષેપ મુજબ, કેનેડા ગયા બાદ થોડા સમય પછી પતિના વર્તનમાં બદલાવ આવ્યો હતો. ઘરકંકાસ અને મારપીટ થતી હોવાનો તેણે દાવો કર્યો છે. પરિવારના સભ્યોને આ અંગે જાણ કર્યા બાદ તેમને ભારત પરત આવવાની સલાહ આપવામાં (Vadodara Woman Complaint)  આવી હતી.

વર્ષ 2023માં મહિલા પોતાના બાળક સાથે ભારત પરત આવી હતી. ત્યારબાદ આણંદમાં રહેતા સમયે પણ પિયરમાંથી સોનું લાવવા સહિતની બાબતોને લઈને દબાણ કરવામાં (Domestic Violence) આવતું હોવાનો ફરિયાદમાં ઉલ્લેખ છે.

પતિના મિત્ર સામે પણ ગંભીર આક્ષેપ

મહિલાએ ફરિયાદમાં પતિના એક મિત્રના વર્તન અંગે પણ આક્ષેપ કર્યા છે. તેના જણાવ્યા પ્રમાણે, આ વ્યક્તિ ઘરે આવતો હતો અને તેની સાથે અયોગ્ય વર્તન કરવાનો પ્રયાસ કરતો હતો. મહિલાએ પતિને આ અંગે જાણ કરી હોવા છતાં યોગ્ય કાર્યવાહી ન કરવામાં આવી હોવાનો દાવો કર્યો છે.

મહિલાએ પતિ સામે લગ્નજીવન દરમિયાન બળજબરી અને જાતીય અત્યાચારના ગંભીર આક્ષેપો પણ કર્યા છે. તેના જણાવ્યા પ્રમાણે, આવી એક ઘટનાનો વીડિયો બનાવવામાં આવ્યો હતો અને બાદમાં વીડિયો ડિલીટ કરી દીધો હોવાની વાત કહેવામાં આવી હતી. જોકે, આ વીડિયો અંગે હજુ પોલીસ તપાસ કરી રહી છે.

બાળકની સારવાર દરમિયાન પણ મુશ્કેલી પડ્યાનો દાવો

મહિલાનો ચાર વર્ષનો બાળક સારવાર અને થેરાપી માટે વડોદરામાં જાય છે. મહિલાના જણાવ્યા પ્રમાણે, બાળકની સારવાર દરમિયાન તેને ઘરેથી બહાર જવા-આવવામાં પણ મુશ્કેલી (Husband Wife Dispute) ઊભી કરવામાં આવતી હતી. ડ્રાઇવર અને વોચમેન મારફતે પણ તેને પરેશાન કરવામાં આવતી હોવાનો તેણે આરોપ લગાવ્યો છે.મહિલાનો વધુ આરોપ છે કે પતિએ તેના અને બાળકના ખર્ચ માટે નાણાં આપવાનો ઇનકાર કર્યો હતો અને ઘર છોડવા માટે દબાણ કર્યું હતું.

છેલ્લા કેટલાક મહિનાથી વડોદરામાં રહે છે

મહિલાના જણાવ્યા પ્રમાણે, સતત ત્રાસથી કંટાળીને તે ઘર છોડીને છેલ્લા કેટલાક મહિનાથી વડોદરામાં પોતાના બાળક સાથે રહે છે અને તેની સારવાર કરાવી રહી છે.મહિલાએ પોલીસ સમક્ષ પોતાની તથા બાળકની સુરક્ષાને લઈને પણ ચિંતા વ્યક્ત કરી છે. ખાસ કરીને વીડિયો સંબંધિત (Women Safety) બાબતને લઈને તેને આશંકા હોવાનું તેણે જણાવ્યું છે.

પોલીસ તપાસ બાદ હકીકત સ્પષ્ટ થશે

હાલ આ સમગ્ર મામલે પોલીસ દ્વારા ફરિયાદમાં કરવામાં આવેલા આક્ષેપોની તપાસ કરવામાં આવી રહી છે. ફરિયાદમાં કરવામાં આવેલા આરોપોની સ્વતંત્ર પુષ્ટિ હજુ થઈ નથી. પોલીસ તપાસ, નિવેદનો અને અન્ય પુરાવાના આધારે સમગ્ર ઘટનાની હકીકત સ્પષ્ટ થશે.

આ પણ વાંચો: સુરત લો કોલેજમાં રેગિંગનો મામલો, વિદ્યાર્થીની ફરિયાદ બાદ કોલેજ તંત્ર દોડતું થયું

આ પણ વાંચો: અમદાવાદમાં વિદ્યાર્થિનીઓએ ફરિયાદ કરી તો ઉશ્કેરાયો વિદ્યાર્થી, સ્કૂલ બહાર ત્રણેયને માર માર્યાનો આરોપ

આ પણ વાંચો: પોરબંદરમાં પિતાની શરમજનક કરતૂતનો આરોપ, સગીર દીકરીએ 6 વર્ષ બાદ નોંધાવી ફરિયાદ