Vaibhav Sooryavanshi IPL Record 2026: આઈપીએલ 2026 (IPL 2026) માં રાજસ્થાન રોયલ્સના યુવા બેટ્સમેન વૈભવ સૂર્યવંશીએ પોતાની વિસ્ફોટક બેટિંગથી એવો ધમાકો કર્યો છે, જેણે ક્રિકેટના રેકોર્ડ બુકને હલાવી દીધી છે. વૈભવ હવે આઈપીએલ ઇતિહાસમાં એક જ સીઝનમાં સૌથી વધુ છગ્ગા લગાવનારા બેટ્સમેનોની યાદીમાં નંબર 1 પર પહોંચી ગયો છે. તેણે ‘યુનિવર્સ બોસ’ તરીકે ઓળખાતા મહાન બેટ્સમેન ક્રિસ ગેલનો ઓલ-ટાઇમ રેકોર્ડ ધ્વસ્ત કરી દીધો છે.
ક્રિસ ગેલનો 14 વર્ષ જૂનો રેકોર્ડ તૂટ્યો
વૈભવ સૂર્યવંશીએ(Vaibhav Sooryavanshi) આ સીઝનમાં અત્યાર સુધીમાં અદ્ભુત બેટિંગ કરીને 62 છગ્ગા ફટકારી દીધા છે. ક્રિસ ગેલે વર્ષ 2012 માં રોયલ ચેલેન્જર્સ બેંગલોર (RCB) માટે રમતા 15 મેચની 14 ઇનિંગ્સમાં 59 છગ્ગા લગાવ્યા હતા, જે અત્યાર સુધીનો સૌથી મોટો રેકોર્ડ હતો. વૈભવે આ ઐતિહાસિક સિદ્ધિ 15 મેચની 15 ઇનિંગ્સમાં મેળવી છે. આ યાદીમાં ત્રીજા સ્થાને આન્દ્રે રસેલ છે, જેણે વર્ષ 2019 માં કોલકાતા નાઇટ રાઇડર્સ માટે 52 છગ્ગા ફટકાર્યા હતા.
એક IPL સીઝનમાં સૌથી વધુ છગ્ગા:
62 – વૈભવ સૂર્યવંશી (2026)
59 – ક્રિસ ગેલ (2012)
52 – આન્દ્રે રસેલ (2019)
51 – ક્રિસ ગેલ (2013)
45 – જોસ બટલર (2022)
પ્લેઓફમાં પણ Vaibhav Sooryavanshi નું તોફાન
વૈભવની બેટિંગ આ સમગ્ર સીઝનમાં રાજસ્થાન રોયલ્સની સૌથી મોટી તાકાત બનીને ઉભરી છે. તેણે સનરાઈઝર્સ હૈદરાબાદ (SRH) સામે મુલ્લાનપુર ખાતે રમાયેલી પ્લેઓફ મેચમાં માત્ર 16 બોલમાં ફિફ્ટી (50 રન) ફટકારીને સુરેશ રૈનાના સૌથી ઝડપી પ્લેઓફ અર્ધશતકના રેકોર્ડની બરાબરી કરી લીધી છે. આ સાથે જ પાવરપ્લે (1 થી 6 ઓવર) ની અંદર સૌથી વધુ વાર 50 થી વધુ સ્કોર બનાવવાની યાદીમાં પણ તે 5 સ્કોર સાથે ડેવિડ વોર્નર (6 સ્કોર) પછી બીજા સ્થાને પહોંચી ગયો છે. યુવા ઉંમર હોવા છતાં, તેણે દબાણની સ્થિતિમાં પણ બેખૌફ ક્રિકેટ(Vaibhav Sooryavanshi) રમીને નવો ઇતિહાસ લખ્યો છે.
આ પણ વાંચો:ભારતીય T20 ટીમની કેપ્ટન તરીકે સૂર્યકુમારનું ભાવિ અદ્ધરતાલ
આ પણ વાંચો:IPL 2026માં રાજસ્થાન રોયલ્સે મુંબઈ ઇન્ડિયન્સને 30 રને હરાવી પ્લે ઓફમાં કરી આગેકૂચ
આ પણ વાંચો:ગુજરાત સામે KKR ની જીતથી પ્લેઓફની રેસ થઈ રોમાંચક, મુંબઈ અને લખનઉ સત્તાવાર રીતે આઉટ
