Sports News: દિલ્હીના અરુણ જેટલી સ્ટેડિયમમાં ભારત અને અફઘાનિસ્તાન વચ્ચેની પ્રથમ ટી-20 મેચ પહેલાં ખાસ ક્ષણ જોવા મળી હતી. ભારતીય પુરુષ ક્રિકેટ ટીમની મેચમાં પ્રથમ વખત ‘વંદે માતરમ’નું (Vande Mataram Cricket Match) ગાન કરવામાં આવ્યું હતું. ત્યારબાદ ‘જન ગણ મન’ વગાડવામાં આવ્યું હતું.

બંને ટીમો રાષ્ટ્રગાન માટે મેદાનમાં પહોંચી

મેચ શરૂ (India vs Afghanistan T20) થવાના થોડા સમય પહેલાં બંને ટીમોના ખેલાડીઓ મેદાનમાં પહોંચ્યા હતા. ‘વંદે માતરમ’ બાદ ભારતનું રાષ્ટ્રગાન અને ત્યારબાદ અફઘાનિસ્તાનનું રાષ્ટ્રગાન રજૂ કરવામાં આવ્યું હતું. આ દરમિયાન સ્ટેડિયમમાં મોટી સંખ્યામાં દર્શકો હાજર રહ્યા હતા.

Vande Mataram Cricket Match: ભારતે ટોસ જીતીને બોલિંગ પસંદ કરી

મેચમાં ભારતના કેપ્ટન શ્રેયસ અય્યરે ટોસ જીતીને પ્રથમ બોલિંગ કરવાનો નિર્ણય લીધો હતો. ટોસ દરમિયાન અફઘાનિસ્તાનના કેપ્ટન ઇબ્રાહિમ ઝદરાનને ભારતીય ટીમ તરફથી જર્સી પણ આપવામાં આવી હતી. આ મેચમાં યુવા ખેલાડી વૈભવ સૂર્યવંશીને ભારતીય પ્લેઇંગ-11માં સ્થાન મળ્યું નથી. ભારત તરફથી અભિષેક શર્મા અને સંજુ સેમસન ઓપનિંગની જવાબદારી સંભાળશે. બીજી તરફ જસપ્રીત બુમરાહની ટી-20 ટીમમાં વાપસી થઈ છે.

શ્રેયસ અય્યર અગાઉ ભારત માટે આંતરરાષ્ટ્રીય સ્તરે 10 મેચમાં કેપ્ટનશીપ (Shreyas Iyer Captain) કરી ચૂક્યો છે. જોકે, ભારતીય ધરતી પર ટીમની કમાન સંભાળવાનો આ તેનો પ્રથમ પ્રસંગ છે. તેની કેપ્ટનશીપમાં ભારતે અત્યાર સુધી ત્રણ મેચ જીતી છે, છમાં હાર મળી છે અને એક મેચનું પરિણામ આવ્યું નથી.

અફઘાનિસ્તાન સામે ભારતનો દબદબો

ભારત અને અફઘાનિસ્તાન વચ્ચે અત્યાર સુધી ટેસ્ટ, વનડે અને ટી-20 સહિત કુલ 18 આંતરરાષ્ટ્રીય મુકાબલા રમાયા છે. આમાંથી ભારતે 15 મેચ જીતી છે, જ્યારે બે મુકાબલા ટાઈ રહ્યા છે અને એક મેચનું પરિણામ આવ્યું નહોતું. અફઘાનિસ્તાન હજુ સુધી આંતરરાષ્ટ્રીય ક્રિકેટમાં ભારત સામે જીત મેળવી શક્યું નથી.

ભારત અને અફઘાનિસ્તાન વચ્ચેની આ ટી-20 શ્રેણીમાં કુલ ત્રણ મેચ રમાવાની છે. શ્રેણીના તમામ મુકાબલા દિલ્હીના અરુણ જેટલી સ્ટેડિયમમાં યોજાઈ રહ્યા છે.

આ પણ વાંચો: એશિયા કપ 2026 ફાઈનલમાં ભારત-શ્રીલંકા ટક્કર, જાણો LIVE મેચ ક્યાં જોઈ શકશો

આ પણ વાંચો: 138 વર્ષ બાદ ઇંગ્લેન્ડમાં બન્યો અનોખો રેકોર્ડ, 3 ટેસ્ટમાં એક પણ શતક નહીં

આ પણ વાંચો: ટીમ ઈન્ડિયાની સુરક્ષા પર સવાલ