ગ્લોબલ આઈકોન પ્રિયંકા ચોપડા જોનસ વિશ્વની સૌથી લોકપ્રિય અભિનેત્રીઓમાંની એક છે. મિસ વર્લ્ડ 2000 ની વિજેતા પ્રિયંકાએ વર્ષ 2003 માં ફિલ્મ ‘હીરો: ધ સ્ટોરી ઓફ અ સ્પાય’થી બોલિવૂડમાં ડેબ્યૂ કર્યું હતું. આમાં સની દેઓલ અને પ્રીતિ ઝિન્ટા મુખ્ય ભૂમિકામાં હતાં. આ પછી, તેણે ક્યારેય પાછળ ફરીને જોયું નથી. તેણે ઘણી હોલીવુડ ટીવી સિરીઝ અને ફિલ્મોમાં પણ કામ કર્યું છે.
પ્રિયંકા ચોપરાએ હાલમાં જ તેના સોશિયલ મીડિયા એકાઉન્ટ પર એક વીડિયો શેર કર્યો છે. મનોરંજન ઉદ્યોગમાં 20 વર્ષ પૂરા થવાની ખુશીમાં તેણે આ વીડિયો બનાવ્યો છે. આ વીડિયોમાં તેણે પોતાની બે દાયકાની સફર બતાવી છે. વીડિયોની શરૂઆત તેની ફિલ્મ ‘બર્ફી’ ના પાત્રથી થાય છે. આ પછી, બે લાઇનો લખાઈ છે, જેમાં એવું કહેવામાં આવે છે કે તે બાહ્ય વ્યક્તિ છે અને બોલિવૂડ સાથે તેનો કોઈ સંબંધ નથી. વીડિયોમાં તેણીની મિસ વર્લ્ડ બનવાથી લઈને દરેક રાષ્ટ્રીય અને આંતરરાષ્ટ્રીય સિદ્ધિઓ બતાવવામાં આવી છે.
વીડિયોમાં છોકરીઓને શિક્ષણ અને મહિલા સશક્તિકરણ જેવા તેના ઘણા સામાજિક કાર્ય બતાવવામાં આવ્યા છે. આ વીડિયોને શેર કરતાં પ્રિયંકા ચોપરાએ લખ્યું કે, ‘મનોરંજન ઉદ્યોગમાં 20 વર્ષ. હું જઓજી પ્રોડક્શન અને તમારા બધા લોકોનો આભાર માનું છું, જેમણે મને મારા 20 વર્ષોની સુંદર યાદ અપાવી. હું તમને બધાને કોઈક વાર મળવા માંગુ છું. હું આ ક્ષણ તમારા બધા સાથે ઉજવવા માંગુ છું. જોડાયેલ રહો, આભાર.
પ્રિયંકા ચોપડાએ અંદાજ, એતરાજ, મુઝે શાદી કરોગે, ડોન, દોસ્તાના, બર્ફી, ક્રિશ, કમિને, મેરી કોમ, સાત ખુન માફ સહિત 50 થી વધુ બોલિવૂડ ફિલ્મોમાં કામ કર્યું છે. આ સાથે, તેણે બેવોચ, ક્વાંટિકો અને ધ નોટ ઇડ રોમેન્ટિક જેવા ઘણા હોલીવુડ પ્રોજેક્ટ્સમાં કામ કર્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
