Entertainment News: તમે બધાએ બોલિવૂડમાં ઘણી એવી મોડલ્સ જોઈ હશે, જેમની સુંદરતા પાછળ ભલભલા લોકો કાયલ થઈ ગયા છે. પરંતુ આજે અમે તમને એક એવી મોડલની તસવીર બતાવવા જઈ રહ્યા છીએ જેની પાછળ એક એક્ટર છુપાયેલો છે. તમે ચોંકી જશો કે મોડલની પાછળ એક એક્ટર કેવી રીતે હોઈ શકે. હાલમાં એક મેગેઝીનના કવર પર છપાયેલી એક મોડલની તસવીર સોશિયલ મીડિયા પર વાયરલ થઈ રહી છે, જેમાં તે ખૂબ જ સુંદર લાગી રહી છે. પરંતુ શું તમે જાણો છો કે આ સુંદર દેખાતી મોડલ પાછળ અનુપમ ખેર છુપાયેલા છે.
View this post on Instagram
તાજેતરમાં એપ્રિલ ફૂલના દિવસે અનુપમ ખેરે આ ફોટો પોતાના ઈન્સ્ટાગ્રામ પર શેર કર્યો છે. ફોટાની સાથે અભિનેતાએ કેપ્શનમાં લખ્યું, ‘કોણ જાણો છો?’ અનુપમની આ તસવીર 1991ની છે. જ્યારે એક મેગેઝિન સિને બ્લિટ્ઝે તેને તેના કવર પેજ પર પ્રકાશિત કર્યું હતું. આ સાથે લખ્યું હતું કે, ‘હું શ્રીદેવીની અજાણી બહેન પ્રભાદેવી છું.’ કવર પેજ પર શ્રીદેવી સાથે બિલકુલ મળતી આવતી યુવતીનો ફોટો છપાયો હતો. 1 એપ્રિલે જ્યારે આ મેગેઝિન માર્કેટમાં આવ્યું ત્યારે ચાહકોમાં તેમજ આખા બોલિવૂડમાં હલચલ મચી ગઈ હતી કે ‘શ્રીદેવીની બહેન’ કોણ છે જેને ક્યારેય કોઈએ જોઈ નથી. આ તસવીર જોઈને તે સમયે લોકોને વિશ્વાસ થઈ ગયો હતો કે તસવીરમાં દેખાતી મહિલા ખરેખર શ્રીદેવીની બહેન પ્રભાદેવી છે, કારણ કે બંનેના ચહેરા ઘણા હદ સુધી સરખા હતા. પરંતુ જ્યારે તેનું સત્ય બહાર આવ્યું તો બધા હસવા લાગ્યા.
અનુપમ ખેરે મેગેઝિન સાથે મળીને 1 એપ્રિલના રોજ લોકોને એપ્રિલ ફૂલ બનાવવા માટે મજાક કરી હતી. જોકે પહેલા તો લોકો માની જ નહોતા શકતા કે તે અનુપમ ખેર છે કારણ કે ફોટોમાં અનુપમનો મેકઅપ અદભૂત હતો. તે સમયે આ સુંદરીની વધુ તસવીરો જોવા માટે દરેક લોકો આતુર હતા. પરંતુ જ્યારે લોકોને ખબર પડી કે તસવીરમાં દેખાતી સુંદરી અનુપમ ખેર છે, તો સત્ય જાણ્યા પછી બધાનું દિલ તૂટી ગયું.
અનુપમ ખેરનો આ અદભૂત મેકઅપ મિકી કોન્ટ્રાક્ટરે કર્યો હતો, જે બિલકુલ શ્રીદેવી જેવો જ દેખાતો હતો. આ તસવીર ફોટોગ્રાફર ગૌતમ રાજ્યાધ્યક્ષે લીધી છે. હવે લગભગ 34 વર્ષ બાદ અનુપમે તે જૂના દિવસો તાજા કર્યા છે.
આ પણ વાંચો:કરણ જોહરે ક્રિપ્ટીક પોસ્ટ શેર કરી, નામ વગર ઉલ્લેખ કર્યો
આ પણ વાંચો:અક્ષય કુમાર અને ટાઈગર શ્રોફની મસ્તી જોઈ તમે હસતા હસતા થાકી જશો
આ પણ વાંચો:કાસ્ટિંગ કાઉચ પર છલકાયું ટી.વી. અભિનેત્રીનું દર્દ
આ પણ વાંચો:અભિનેત્રી સારા અલી ખાનની જોવા મળી ઉદારતા
