વર્લ્ડ હેલ્થ ઓર્ગેનાઈઝેશન (WHO) એ પોતાના નકશામાં જમ્મુ અને કાશ્મીરને પાકિસ્તાન અને ચીનના ભાગ તરીકે દર્શાવ્યું છે. આના પર તૃણમૂલ કોંગ્રેસ (TMC)ના રાજ્યસભા સાંસદ ડૉ. શાંતનુ સેને સખત વાંધો ઉઠાવ્યો છે. ડૉ. સેને આ મુદ્દે વડાપ્રધાન નરેન્દ્ર મોદીને પત્ર લખીને આંતરરાષ્ટ્રીય મંચોમાં તેનો વિરોધ કરવાની માંગ કરી છે. વાસ્તવમાં, WHO સાઇટ પર બતાવેલ કોરોના વાયરસના કેસના નકશામાં કાશ્મીરને પાકિસ્તાન અને ચીનના ભાગ તરીકે દર્શાવવામાં આવ્યું છે.
.#WHO COVID https://t.co/HSTaKkj0Yc site shows map of #India with a separate colour for Jammu & Kashmir&inside that there is another small portion of a separate colour.
If they are clicked,#Covid datas of #Pakistan & #China are coming.@narendramodi must take up.@MamataOfficial pic.twitter.com/prSoZ2IsJg— DR SANTANU SEN (@SantanuSenMP) January 30, 2022
પીએમ મોદીને લખેલા પત્રમાં શાંતનુ સેને કહ્યું છે કે જ્યારે વર્લ્ડ હેલ્થ ઓર્ગેનાઈઝેશનની વેબસાઈટ WHO Covid19.int પર દર્શાવવામાં આવેલા વિશ્વના નકશા પર ઝૂમ કરવામાં આવ્યું ત્યારે આખું ભારત વાદળી રંગમાં બતાવવામાં આવ્યું હતું. પરંતુ જમ્મુ-કાશ્મીર માટે બે અલગ-અલગ રંગોનો ઉપયોગ કરવામાં આવ્યો હતો. તેણે કહ્યું, ‘જ્યારે મેં વાદળી ભાગ પર ક્લિક કર્યું, ત્યારે આપણા દેશનો કોરોના સંબંધિત ડેટા દેખાયો. પરંતુ જ્યારે તમે જમ્મુ-કાશ્મીરના આ અલગ-અલગ રંગીન ભાગો પર ક્લિક કરો છો, તો મોટા ભાગ પર પાકિસ્તાનનો ડેટા અને નાના ભાગમાં ચીનનો ડેટા દેખાય છે. આ સિવાય અરુણાચલ પ્રદેશને પણ ભારતના નકશામાં અલગથી દર્શાવવામાં આવ્યું છે.
